Farg‘ona davlat universiteti

Ingliz tili va adabiyoti fakulteti 2021-yilda tashkil etilgan.

Fakultet haqida umumiy ma’lumot: 2023-2024-o‘quv yilida fakultetda 1763 nafar bakalavriat talabalari, 8 nafar magistrantlar tahsil olmoqda. Fakultetda 2 ta kafedrada jami 29 nafar professor-o‘qituvchilar asosiy ish o‘rnida faoliyat yuritmoqda. Fakuletning ilmiy salohiyati  27,8  % ni tashkil etadi. Shundan,   1 professorlar, 6  nafar fan nomzodi, dotsentlar, 7 nafari katta o‘qituvchi va  14 nafari o‘qituvchilardir. Fakultetning barcha o`qituvchilari TESOL va Xalqaro sertifikatlariga ega.

Kafedra nomlari: Ingliz tili o’qitish metodikasi va Amaliy ingliz tili kafedralari

Fakultetda bakalavriat, magistratura va doktoranturaning (alohida) quyidagi yo‘nalishlari bo‘yicha mutaxassislar tayyorlanadi:

1)   Bakalavr yo‘nalishlari :    5111400/60111800 - Xorijiy til va adabiyoti (ingliz tili)

2) Magistratura yo‘nalishlari:   70111801-Xorijiy til va adabiyoti  ( Ingliz tili)

Fakultetning erishgan yutuqlari (va O‘zbekistonda o‘rni):  Jahon ta’lim tizimidagi tub islohotlar talabalarning chet tillarni mukammal o’rganishlari, barcha sohalarda chet tilini bilgan holda o’zlarini namoyon eta olishlari uchun zarur shart- sharoit yaratib berish, ularning xorijiy tilda og’zaki va yozma nutqlarini rivojlantirish muammolarini ilgari surmoqda. Fakultet jamoasining asosiy maqsadi talabalarni ingliz tilida o’qitish hamda shu tilda erkin so’zlasha oladigan mutaxassislarni tayyorlash, yoshlarning jahon tamadduni yutuqlari hamda butun dunyo axborot resurslaridan foydalanishlari, xalqaro hamkorlik va muloqotni rivojlantirish uchun shart-sharoitlar yaratishdir. Fakultetda fidoiy va talabchan ustozlar sharofati bilan talabalarga ingliz tili har tomonlama mukammal, ham nazariy, ham amaliy o’rgatilib kelinmoqda.

Xalqaro hamkorlik va grantlar: Fakultetda Nargiza Toirova, Dilafruz Ibragimova, Alimardon Toshmatov, Luiza Galimullina, Iqboljon G’afforov kabi professor-o’qituvchilarimiz say-harakatlari bilan bir necha xalqaro loyihalar amalga oshirildi. Quvonarlisi bu loyihalar qiymati qariyb 60.000$ ni tashkil qiladi. Xususan Raqamli English ACCESS Microscholarship Program (ACCESS) loyihasi, “EMI (English as a medium of instruction)” loyihasi, shuningdek AQSh elchixonasining kichik grantlar loyihasi doirasida tashkil etilgan Farg‘ona davlat universitetida dramaturgiya ta’limini rivojlantirishga bag‘ishlangan «Drama to‘garagi» 2022-yilda talabalar uchun Amerika adabiyoti bo‘yicha bir nechta spektakl taqdim etdi. Drama to‘garagi a’zolariga o‘z iste’dodini ro‘yobga chiqarish imkoniyati yaratilmoqda. Bundan tashqari, klub talabalarni Amerika dramatik adabiyoti vakillari bilan tanishtirish, shuningdek, talabalarning ingliz tilini yaxshiroq o‘zlashtirishlariga yordam berishni maqsad qilgan. Shuningdek, talabalar auditoriyasining Amerika adabiyoti va madaniyatiga qiziqishini oshiradi. Grant loyihaning umumiy qiymati 7950 AQSh dollarini tashkil etadi.

Fakultet joylashgan hudud, o‘quv binosi manzillari: 150100, Farg‘ona shahri,

Murabbiylar ko‘chasi, 19 -uy
Telefon: (+99873) 244-61-49
E-mail:  nitoirova@mail.ru

Tarix fakulteti 1932-yilning yanvarida tashkil topgan bo‘lib, shu yili 22 nafar talaba bilim olgan.

Fakultet haqida umumiy ma'lumot: Hozirgi kunda fakultetda 1220 nafar bakalavriat talabalari, 75 nafar magistrantlar tahsil olmoqda. Fakultetda 6 ta kafedrada jami 88 nafar professor-o‘qituvchilar asosiy ish o‘rnida faoliyat yuritmoqda. Fakuletning ilmiy salohiyati 52 % ni tashkil etadi. Shundan, 6 nafari fan doktori, professorlar, 25 nafar fan nomzodi, dotsentlar, 15 nafari katta o‘qituvchi va 35 nafari o‘qituvchilardir.

Kafedra nomlari: Jahon tarixi, O‘zbekiston tarixi, sotsiologiya, falsafa, ijtimoiy ish va huquq talimi kafedralari faoliyat olib bormoqda.

Ilmiy salohiyati: 52 %

Fakultetda bakalavriat, magistratura va doktoranturaning (alohida) quyidagi yo‘nalishlari bo‘yicha mutaxassislar tayyorlanadi:

Fakultetda 07.00.06 - Arxeologiya

07.00.02 – Fan va texnologiyalar tarixi

07.00.08 – Tarixshunoslik, manbashunoslik va tarixiy tadqiqot usullari.

07.00.05 – Xalqaro munosabatlar va tashqi siyosat tarixi.

Ixtisosligi bo’yicha tayanch doktorantura va doktorantura bo’yicha kadrlar tayyorlanadi.

O‘zbekiston tarixi kafedrasida 07.00.01 – O‘zbekiston tarixi  ixtisosligi bo‘yicha ilmiy daraja beruvchi Ilmiy kengash faoliyat yuritadi.

5 ta ixtisoslik bo‘yicha malakaviy  imtihon qabul  qilish  komissiyasi faoliyat  olib  boradi.

07.00.01 – O‘zbekiston tarixi;

07.00.02 –  Fan va texnologiyalar tarixi;

07.00.08 – Tarixshunoslik, manbashunoslik va tarixiy tadqiqot  usullari;  

07.00.07 – Etnografiya, etnologiya va antropologiya.

Fakultetning erishgan yutuqlari (va O‘zbekistonda o‘rni):

XXR Fanlar akademiyasi Paleontologiya va paleoantropologiya instituti va Loyan arxeologiya tadqiqotlar insitituti bilan hamkorlikda "Quva shahristonini arxeologik o‘rganish va muzeylashtirish" uch taraflama hamkorlik loyihasi doirasida Jahon tarixi kafedrasi qoshidagi ilmiy markazga arxeologik topilmalarni yoshini aniqlash, ularni 3D formatda raqamlashtirishga mo‘ljallangan mikroskop hamda rasmga olish moslamasi, shuningdek, "tan-chan" arxeologik razvedka uskunasi jami 30 mln. so‘mlik zamonaviy texnika vositalari taqdim etildi. 2024 yilda Ushbu loyiha asosida 100 000 $ olib kirish rejalashtirilgan.

Fakultet joylashgan hudud, o‘quv binosi manzillari:

Fargʻona shahri, Murabbiylar koʻchasi, 19-uy, 3-bino, indeks 150100,  fardu_info@umail.uz, tel:+998732444373

Fakultet 1970-yilda Farg‘ona davlat pedagogika institutining chet tillarini o‘qitish bo‘limi negizida roman-german filologiyasi nomi bilan tashkil etilgan. 1999-yilda fakultet rus filologiyasi fakulteti bilan birlashtirilib, xorijiy filologiya, 2004-yili o‘zbek filologiyasi fakulteti bilan birlashtirilib, filologiya fakulteti tashkil topgan. 2014-yildan chet tillari fakulteti qayta tashkil etilgan.

Fakultetda 1961-yildan ingliz tili, 1966-yildan nemis tili, 1994-yildan fransuz tili, 2019-yildan gid hamrohligi va tarjimonlik faoliyati (ingliz tili) ta’lim yo‘nalishlari bo‘yicha mutaxassislar tayyorlash yo‘lgan qo‘yilgan. 1991-1999-yillari sharq tillari (arab tili, fors tili), 2008-2013-yillari sharq tillari (xitoy tili) yo‘nalishlari bo‘yicha mutaxassislar tayyorlangan. 2014-yildan buyon xorijiy til va adabiyoti (ingliz tili), 2016-yildan xorijiy til va adabiyoti (nemis tili, fransuz tili) hamda filologiya va tillarni o‘qitish (ingliz tili) yo‘nalishlari bo‘yicha mutaxassislar tayyorlash yo‘lga qo‘yildi. 2011-yildan boshlab Lingvisitika (nemis tili), 2013-yildan Lingvisitika (ingliz tili) va Lingvisitika (fransuz tili) mutaxassisligi bo‘yicha magistrlar tayyorlanmoqda.

O‘zbekiston Respublikasi Prezidentining 2012-yil 10-dekabrdagi «Chet tillarni o‘rganish tizimini yanada takomillashtirish chora-tadbirlari to‘g‘risida»gi №PQ-1875-sonli qarori qabul qilingandan so‘ng xorijiy tillarni o‘rganishga bo‘lgan talab va soha mutaxassislariga bo‘lgan ehtiyoj yanada ortdi. Natijada 2014-yilda chet tillari fakulteti filologiya fakultetidan ajrab chiqdi.

2023-2024-o’quv yilida fakultetda 1443 nafar (kunduzgi) bakalavriat talabalari, 368 nafar (kechki) bakalavriat talabalari tahsil olmoqdalar, 45 nafar magistrantlar tahsil olmoqda.

Kafedra nomlari: Fakultetda 4 ta kafedra mavjud.

1. Ingliz filologiyasi

2. Ingliz tili amaliy kursi

3.Nemis va fransuz tillari

4. Chet tillari

Fakultetda jami 86 nafar professor-o‘qituvchilar asosiy ish o‘rnida faoliyat yuritmoqda. Fakuletning ilmiy salohiyati 30% ni tashkil etadi. Shundan, 1 nafari fan doktori, professorlar, 23 nafar fan nomzodi, dotsentlar, 23 nafari katta o‘qituvchi va 39 nafari o‘qituvchilardir.

Farg‘ona davlat universiteti Chet tillari fakulteti Ingliz tili amaliy kursi kafedrasi o'qituvchilari Ortiqov Rustam Аbdumalik o‘g‘li va Dushatova Shohsanam Baxtiyor qizi Rossiya federatsiyasining Qozon federal universiteti tarkibidagi Yelabuga institutida 144 soatlik “Oliy ta’limda o‘qitishning zamonaviy texnologiyalari va interfaol shakllari va metodlari” mavzusidagi xalqaro malaka oshirish kursida ishtirok etdi.

Ingliz tili amaliy kursi kafedrasi dotsenti N.Gafurova (PhD) va Ingliz filologiyasi kafedrasi katta o‘qituvchisi S.Azimovalar (PhD) Turkiyaning Haccettepe Universitetida tajriba almashinib keldi.

Chet tillari fakulteti ingliz filologiyasi kafedrasi 3 nafar professor o‘qituvchilari D.Ganiyeva (DcS), D.Mirzayeva (PhD) va N.Aliyevalar (PhD) Qozog‘iston respublikasi Shimkent shahrida joylashgan Muhtor Avezov Janubiy Qozog‘iston universitetida malaka oshirish kurslarida hamda tajriba almashish maqsadida u yerdagi talabalarga ta’lim berishdi.

Chet tillari fakulteti chet tillari kafedrasi o‘qituvchisi Madaminova Gulsora Hindistonning Chennai shahrida "Strengthening Technical and Vocational Education, Training System to meet the Sustainable Development Goals of UN" dasturida tajriba alishdi va malaka oshirish kurslarida ishtrok etdi.

Chet tillari fakulteti ingliz filologiyasi kafedrasi katta o‘qituvchisi S.Yusupova 2024-yilda Yaponiyaning “The Japan Foundation Japanese – language Institute”da malaka oshirdi hamda tajriba almashdi.

Chet tillar fakulteti talabasi 4-bosqich 20-124 guruhi talabasi Odilovca Durdona AQShning Gergia College state university universitetida akademik almashinuvi bo‘yicha tahsil olish imkoniyatini qo‘lga kiritdi.

Chet tillar fakulteti 4-bosqich 20-124 guruhi talabasi Mirzayeva Muazzam Slovakiya Respublikasi Milliy stipendiyalar dasturi doirasida Slovakiyaning Pavel Jozef Shafarik universitetida tahsil olish imkoniyatini qo‘lga kiritdi.

Talaba va magistrantlarning til bilish ko‘nikmalarini yanada oshirish maqsadida Germaniyaning Robert Bosh fondi, SES tashkiloti va AQSH elchixonasi bilan hamkorlikda xorijlik nemis tili, fransuz tili, ingliz tili mutaxassislari o‘quv jarayonlariga jalb etilmoqda.

Fakultetni tamomlagan o‘nlab talabalar Buyuk Britaniya, Germaniya, Xitoy, Janubiy Koreya singari davlatlarda magistratura bosqichida tahsil olmoqda.

Fakultetda bakalavriat, magistratura va doktoranturaning (alohida) quyidagi yo‘nalishlari bo‘yicha mutaxassislar tayyorlanadi:

        1. 5120100-Filologiya va tillarni o‘qitish (ingliz tili)

2. 5611500-Gid hamrohligi va tarjimonlik faoliyati (ingliz tili)

3. 5111400 - Xorijiy til va adabiyoti (nemis tili)

4.  5111400- Xorijiy til va adabiyoti (fransuz tili) 

 Magistratura:

1. 70230101-Lingvistika: ingliz tili

2. 70230101-Lingvistika: fransuz tili

3. 70230101-Lingvistika: nemis tili

2023-2024-yilda fakultet Xalqaro aloqalarni Buyuk Britaniya, AQSH, Germaniya va Fransiya elchixonalar bilan birgalikda olib bormoqda. Hozirgi kunda fakultetda AQSH, Hindiston va Germaniyadan kelgan xorijiy professor-o‘qituvchilar ta’lim berib kelmoqdalar.

Hindistonning Allahabad shahridagi Rajarshi Tandon Mahila Mahavidyalaya institute Ingliz tili yo’nalishi professori Shamenaz Bano fakultet talabalariga ta’lim berdi.

Meri Strabala (Strabala Mary) 2022-o‘quv yili 9-sentabr kunidan chet tillari fakulteti talabalariga ingliz tilidan dars o‘tib kelmoqda. Bundan tashqari, ingliz tili o‘qituvchilarining malakalarini oshirish maqsadida Meri  Strabala seminar-treninglar o‘tkazmoqda. Talabalar uchun “Speaking club” tashkil etdi. Hozirgi kunda Mery Strabala va 4-kurs talabalari Anastasiya Shikina hamda Durdona Odilova tomonida fakultetda “Student Voices” talabalar gazetasi AQSH elchixonasi ko’magida har oy nashr etilmoqda.

Fakultetning erishgan yutuqlari (va O‘zbekistonda o‘rni): 2023-2024 o'quv yilida  chet tillari fakulteti talabalari president granti va davlat stipendiyasiga sazovor bo‘ldilar:

1.  O`zbekiston Respublikasi Prezident grand sohibi - chet tillari fakulteti xorijiy til va adabiyoti (nemis tili) yo‘nalishi 2-kurs talabasi Mustafoyeva Saida.

2.  Navoiy nomli davlat stipendiyasi sovrindori chet tillari fakulteti filologiya va tillarni o'qitish (ingliz tili) yo'nalishi 4-bosqich talabasi Shikina Anastasiya Aleksandrovna.

 3. Navoiy nomli davlat stipendiyasi sovrindori chet tillari fakulteti filologiya va tillerni o'qitish (ingliz tili) yo'nalishi 4-bosqich talabasi Norinboyeva Durdona.

4. Navoiy nomli davlat stipendiyasi sovrindori chet tillari fakulteti filologiya va tillarni o'qitish (ingliz tili) yo'nalishi 4-bosqich talabasi Zafar Djalolov.

Bundan tashqari, Universitet talabalari uchun ta’sis etilgan chet tillari fakulteti filologiya va tillarni o'qitish (fransuz tili) yo'nalishi talabasi Jo‘rayeva Mohinur G‘anijon Abdurahmonov nomli universitet stipendiyasi hamda xorijiy til va adabiyoti(nemis tili) yo‘nalishi talabasi Mustafoyeva Saidaxon Enaxon Siddiqova nomli universitet stipendiyasi  tanlovining g‘olibi bo‘ldilar.

Hozirda kafedrada doktorlik dissertatsiyalari ustida 39 nafar professor-o‘qituvchilari ish olib bormoqdalar.

Fakultetning 576 talabasi 9-talabalar turar joyida yashashmoqda. Talabalar turar joyida talabalr uchun barcha sharoitlar yaratilgan. TTJ istiqomat qilish uchun bir oylik to'lov 165.000 so'm, Mehribonlik uyi tarbiyalanuvchilari, temir daftarda turuvchi oila farzandlari, chin yetim, 1- va 2-guruh nogironlari uchun 100% chegirma taqdim etiladi. Ijtimoiy himoya daftarlarida turuvchi talabalar uchun yotoqxonada yashash uchun 50% chegirma beriladi. TTJ larda 5 tashabbus xonalari, komyuter xonasi, sport xonalari yaratilgan bo'lib, talabalarning darsdan keyin bo'sh vaqtlarini mazmunli tashkil etishga ko'maklashadi.

Talabalar turar joyi manzili: Farg‘ona Shahar, Al Farg‘oniy ko‘chasi, 47B-uy.

Chet tillari fakulteti manzili: Farg‘ona Shahar, Al Farg‘oniy ko‘chasi, 42-uy.

Telefon raqami: (+99873) 244-66-02

Elektron pochta manzili:  chet tillari@fdu.uz

2025 yil 24-yanvardagi O‘zbekiston Respublikasi Prezidentining “Farg‘ona viloyatidagi oliy ta’lim tashkilotlari faoliyatini yanada takomillashtirish chora-tadbirlari to‘g‘risida”gi PQ-26 sonli qaroriga muvofiq, O‘zDJTSU Farg‘ona filiali Farg‘ona davlat universitetiga qo‘shib yuborildi va 2025 yil 1-martdan Sport faoliyati fakulteti tashkil etildi.

Fakultetda 470 o‘rinli 1 ta talabalar turar joyi, 2 ta o‘quv binosi mavjud bo‘lib, 2000 nafar talabalar tahsil olmoqda.

Hozirda Sport faoliyati fakultetida asosiy shtatda jami 74 nafar professor-o‘qituvchi faoliyat yuritadi, shundan 20 nafari ilmiy daraja va ilmiy unvonga ega, shuningdek xalqaro toifadagi sport ustalari va sport ustaligiga nomzodlar faoliyat ko‘rsatmoqda.

Bitiruvchi va talabalar amaliyot jarayonlari, ish bilan ta’minlanishi yirik ish beruvchi tashkilot, korxona va ta’lim muassasalari bilan tuzilgan shartnomalar asosida olib boriladi.

Fakultetda 1 nafar Paralimpiada g‘olibi, 30 dan ortiq Jahon chempionlari va 60 Osiyo chempionlari tahsil olmoqdalar.

Fakultet dunyoning rivojlangan mamlakatlari hamda MDHning oliy o‘quv yurtlari bilan hamkorlik kelishuvlariga ega.

Fakultet kafedralari haqida:

Yakkakurash sport turlari nazariyasi va uslubiyoti kafedrasi:
Asosiy shtatda: 22 nafar
Ilmiy daraja va ilmiy unvonga ega: 6 nafar
Ilmiy salohiyat: 27,2 %

Ko‘pkurash sport turlari nazariyasi va uslubiyoti kafedrasi:
Asosiy shtatda: 17 nafar
Ilmiy daraja va ilmiy unvonga ega: 4 nafar
Ilmiy salohiyat: 23,5 %

Adaptiv jismoniy tarbiya va sport nazariyasi kafedrasi:
Asosiy shtatda: 14 nafar
Ilmiy daraja va ilmiy unvonga ega: 5 nafar
Ilmiy salohiyat: 35,7 %

Sport o‘yinlari nazariyasi va uslubiyoti kafedrasi:
Asosiy shtatda: 21 nafar
Ilmiy daraja va ilmiy unvonga ega: 5 nafar
Ilmiy salohiyat: 23,8 %

Sport faoliyati ta'lim yo‘nalishlari:

• Sport faoliyati (turlari bo‘yicha)

• Sport faoliyati: kurash

• Sport faoliyati: futbol

• Sport faoliyati: voleybol

• Sport faoliyati: gimnastika

• Sport faoliyati: badiiy gimnastika

• Sport faoliyati: taekvondo WTF

• Sport faoliyati: boks

• Sport faoliyati: badminton

• Sport faoliyati: suzish

• Sport faoliyati: karate WKF

• Sport faoliyati: qo‘l to‘pi

• Sport faoliyati: shaxmat

• Sport faoliyati: engil atletika

• Sport faoliyati: velosport

• Sport faoliyati: stol tennis

• Sport faoliyati: basketbol

• Sport faoliyati: og‘ir atletika

• Sport faoliyati: erkin kurash

• Sport faoliyati: dzyudo

• Sport faoliyati: belbog‘li kurash

• Sport faoliyati: yunon-rum kurashi

• Adaptiv jismoniy tarbiya va sport

Fakultet tarixi: Farg‘ona davlat universiteti rektorining 2023-yil 28-yanvardagi №30-sonli universitet tashkiliy tuzilmasi to‘g‘risidagi buyrug‘ining 2.1-bandiga ko‘ra Zootexniya hamda Uzumchilik, mevachilik va sabzavotchilik fakultetlari negizida yagona “Agrar qo‘shma fakulteti” tashkil etilgan va hozirda fakultetda buyruqning 2.2-bandiga muvofiq aholi tomorqalaridan samarali foydalanish hamda zootexniya va agronomiya kafedralari negizida “Aholi tomorqalaridan samarali foydalanish va dorivor o‘simliklar” va “Tuproqshunoslik”, “Mevachilik va sabzavotchilik” kafedralari o‘z faoliyatlarini olib bormoqda.

O‘zbekiston Respublikasi Prezidentining 2017-yil 16-oktabrdagi “Respublikamizda asalarichilik tarmog‘ini yanada rivojlantirish chora-tadbirlari to‘g‘risida”gi PQ-3327-sonli qarori 9-bandiga asosan 2017-yilda Farg‘ona davlat universitetida Zootexniya fakulteti tashkil etilgan bo‘lib, fakultetda “Tuproqshunoslik” hamda “Zootexniya va agronomiya” kafedralari faoliyat olib borgan, “Zootexniya va agronomiya” kafedrasida “Dorivor o‘simliklarni yetishtirish va qayta ishlash texnologiyasi”, “Zootexniya: asalarichilik”, “Tuproqshunoslik” kafedrasida “Tuproqshunoslik” yo‘nalishlari bo‘yicha oliy ma’lumotli mutaxassislar tayyorlangan.

Fakultet haqida umumiy ma’lumot: 2023-2024-o‘quv yilida fakultetda 519 nafar talaba, 10 nafar magistrant, 21 nafar tayanch doktorant va mustaqil izlanuvchilar tahsil olmoqda. Fakultetda jami 3 ta kafedra va 40 nafar professor-o‘qituvchilar asosiy va o‘rindoshlik ish o‘rnida faoliyat yuritmoqda.

Kafedra nomlari: “Tuproqshunoslik”, “Aholi tomorqasidan samarali foydalanish va dorivor o‘simliklar” hamda “Mevachilik va sabzavotchilik” kafedralari faoliyat olib bormoqda.

Fakultetda bakalavriat, magistratura va doktoranturaning quyidagi yo‘nalishlari bo‘yicha mutaxassislar tayyorlanadi:

Bakalavriat:

1. 60530700 – Tuproqshunoslik;
2. 60812100 – Dorivor o‘simliklar yetishtirish va qayta ishlash texnologiyasi;
3. 60811500 – Zooinjineriya (Asalarichilik);
4. 60810900 – Agronomiya (Anorchilik);
5. 60811800 – Mevachilik va uzumchilik;
6. 60811900 – Sabzavotchilik, polizchilik va kartoshkachilik;
7. 60812000 – Issiqxona xo‘jaligini tashkil etish va yuritish.

Magistratura:

1. 70530701 – Tuproqshunoslik;
2. 70530702 – Eksperimental agrokimyo.

Tayanch doktorantura:

1. 03.00.13 – Tuproqshunoslik.

Ilmiy salohiyat: Fakultetning ilmiy salohiyati 61% ni tashkil etadi. Shundan 5 nafar fan doktori, 18 nafar fan nomzodi (PhD), 17 nafar o‘qituvchilar faoliyat olib borishadi.

Fakultetning erishgan yutuqlari: Joriy o‘quv yilida 3-kurs “Dorivor o‘simliklar yetishtirish va qayta ishlash texnologiyasi” yo‘nalishi talabasi Sayramov Fayzullo Baratjon o‘g‘li “Islom Karimov” nomidagi davlat stipendiati, 3-kurs tuproqshunoslik yo‘nalishi talabasi Ma’rufjonov Javohir G‘ayratjon o‘g‘li universitetning “Akademik Mirzajonov” nomidagi ichki stependiatini qo‘lga kiritishdi.

Xalqaro hamkorlik va grantlar:  Vengriya davlati, Vengriya qishloq xo‘jaligi va hayot fanlari universiteti professori, qishloq xo‘jaligi va sanoat iqtisodiyoti bo‘limi boshlig‘i Lakner, dotsenti Kornél Szalaylar 2024-yil 8-aprel kunlari professor-o‘qituvchilar, tayanch doktorantlar ishtirokida master-klass o‘tkazdi.

Hamkorlik shartnomalari doirasida Sankt–Peterburg universiteti professori Ye.V.Abakumov bilan ham joriy yilda kafedra yo‘nalishi talabalariga o‘quv mashg‘ulotlari tashkil etish bo‘yicha shartnomalar tuzilgan. Shuningdek, ushbu mutaxassis bilan xorijiy grantlar yo‘lga qo‘yish masalasi ham muhokama etilmoqda.

Tuproqshunoslik kafedrasi professor-o‘qituvchilari tomonidan “Farg‘ona viloyati tuproqlarida topinambur o‘simligini yetishtirish va undan farmasevtika sohasida foydalanish yo‘llari” bo‘yicha grant loyiha bajarilgan.

ATSF va DO‘ kafedrasi professor-o‘qituvchilari tomonidan esa “Asalarichilik kovorking markazini tashkil etish” hamda “Chorvachilik kovorking markazini tashkil etish” loyihalari bajarilgan va faoliyati davom etmoqda.

Yotoqxona sharoiti: Yotoqxona 240 o‘rinli, fakultet talabalaridan 104 nafari joylashgan, shundan 18 nafari o‘g‘il bolalar va 86 nafari qizlardan iborat. Yotoqxona imkoniyatlaridan 1-guruh nogiron talabalar uchun bepul, 2-guruh nogiron talabalari uchun 50% to‘lov. Yotoqxonada ma’naviyat va ma’rifat xonalari tashkillangan.

Ijtimoiy sohada va barqaror rivojlanish bo‘yicha olib borilgan ishlar: Fakultetda ijtimoiy sohada olib borilayotgan ishlarga keng e’tibor qaratilgan. Jumladan, fakultet va yotoqxonada kafedra kunlari, respublikamizdagi o‘tkaziladigan barcha ijtimoiy bayramlar, talaba oqshomi, turli xil pishiriqlar tayyorlash musobaqalari, sportning shashka, shaxmat, voleybol musobaqalari, to‘garaklar, chevarchilik, raqs to‘garaklari kabi bir qancha tadbirlar o‘tkazilib kelinmoqda.

Ushbu tadbir va musobaqalarda faol ishtirok etgan professor-o‘qituvchilar va talabalar rag‘batlantiriladi.

Fakultet joylashgan hudud, o‘quv binosi va manzili: Farg‘ona shahar, A.Qodiriy ko‘chasi, 102a – uy, +99873-245-28-90, urinov_aa@mail.ru.

Fakultet 1998-yilda tashkil topgan. 2023-yildan Pedagogika va psixologiya fakulteti nomi bilan atalgan. 2023-2024-o‘quv yilida fakultetda 1930 nafar bakalavriat talabalari, 71 nafar magistrantlar tahsil olmoqda. Fakultetda 4 ta kafedrada jami 93 nafar professor-o‘qituvchilar asosiy ish o‘rnida faoliyat yuritmoqda. Fakuletning ilmiy salohiyati 47,3 % ni tashkil etadi. Shundan, 7 nafari fan doktori, professorlar, 37 nafar fan nomzodi, dotsentlar, 19 nafari katta o‘qituvchi va 30 nafari o‘qituvchilardir.

Kafedra nomlari:

Pedagogika;

Psixologiya;

Boshlang’ich ta’lim;

Maktabgacha ta’lim

Fakultetda bakalavriat, magistratura va doktoranturaning quyidagi yo‘nalishlari bo‘yicha mutaxassislar tayyorlanadi:

Bakalavriatning quyidagi yo‘nalishlari bo‘yicha:

1. 60110100 – Pedagogika;
2. 60110100 – Pedagogika va psixologiya;

3) 60310900 – Psixologiya (faoliyat va turlari bo’yicha);

4) 60110500 – Boshlang’ich ta’lim;

5) 60110200 – Maktabgacha ta’lim;

6) 60112700 – Maxsus pedagogika (Surdopedagogika);

7) 60112700 – Maxsus pedagogika (Oligofrenogogika);

8) 60112700 – Maxsus pedagogika (Logopediya).

Magistratura yo‘nalishlari boyicha:

1) 70110100 – Pedagogika nazariyasi va tarixi

2) 70110500 – Ta’lim va tarbiya nazariyasi va metodikasi (Boshlang’ich ta’lim)

3) 70110200 – Ta’lim va tarbiya nazariyasi va metodikasi (Maktabgacha ta’lim)

4) 70310901 – Psixologiya (faoliyat turlari bo’yicha)

Doktoranturaning quyidagi ixtisosliklari bo‘yicha:

1. 13.00.01 – Pedagogika nazariyasi. Pedagogik ta'limotlar tarixi;
2. 13.00.02 – Ta’lim va tarbiya nazariyasi va metodikasi;
3. 19.00.05 – Ijtimoiy psixologiya. Etnopsixologiya.

Fakultetning erishgan yutuqlari: fakultetning yuqori salahoiyatga ega professor-o‘qituvchilari respublika miqyosida turli yutuqlarDa erishganlar.

Fakultet talabalaridan 3 nafari O‘zbekiston Respublikasi Prezidenti stipendiyasi, 14 nafari Navoiy nomidagi davlat stipendiyasi, 3 nafari universitet ichki stipendiyasi sovrindori bo‘lgan. 10 nafar Respublika fan olimpiadalari va 10 nafari xalqaro fan olimpiadalari tanlovi g’oliblari bo’lgan.

Fakultet professor-o‘qituvchilari xorijiy oliy o‘quv yurtlarida o‘tkazilgan ilmiy anjumanlarda qatnashgan, Qozog‘iston, Rossiya kabi xorijiy davlatlarda malaka oshirgan. Turkiya, Tojikiston, Qirg‘iziston, Qozog‘iston, Ozarbayjon, Hindiston, Rossiya kabi davlatlarning nufuzli OTMlari bilan xalqaro aloqalar o‘rnatilgan. Fakultet professor-o‘qituvchilari tomonidan dunyoning top 1000 taligiga kirgan xorijiy OTMlarda dars mashg‘ulotlarini olib borganlar.

Fakultet professor-o‘qituvchilari tomonidan 44 ta darslik, 65 ta o‘quv qo’llanma, 80 dan ortiq uslubiy qo‘llanmalar, 20 dan ortiq monografiyalar nashr etilgan. Fakultetda Farg‘ona davlat universiteti huzuridagi ilmiy darajalar beruvchi PhD.03/30.11.2021.Ped.05.07 raqamli Ilmiy kengash hamda Ilmiy kengash qoshidagi Ilmiy seminar faoliyat yuritmoqda.

Fakultetdagi xalqaro hamkorlik va grantlar: B.Yelsin nomidagi Ural federal universiteti; Ural davlat pedagogika universiteti; N.I.Lobachevskiy nomidagi Milliy tadqiqot Nijniy Novgorod davlat universiteti; Tomsk davlat universiteti; Osh davlat universiteti; Qirg’iziston – Turkiya Manas universiteti; Koreyaning Puchon universiteti, Abay nomidagi Qozoq Milliy universiteti, Gumilyov nomidagi Milliy Yevroosiyo universiteti, Muxtor Avezov nomidagi Qozog‘iston davlat universiteti, Xo‘jand davlat universiteti, Qozon Federal universiteti, Cherneshevskiy nomidagi Saratov milliy tadqiqot universiteti bilan xalqaro aloqalar o‘rnatilgan.

Fakultetda oxirgi o’n yil davomida “Tarbiyachilarni pedagogik faoliyatga tayyorlash”, “Favqulotda vaziyatlarda inson psixologiyasini boshqarish”, “Yoshlarda milliy mentalitetga yod bo’lgan zararli g’oyaviy ta’sirlar va reaksion oqimlarga qarshi immunitet hosil qilishda neyrolingvistik dasturlash usullari”, singari loyihalar bajarilgan.

Fakultet qoshida “Psixologik xizmat ko’rsatish” va “Uzluksiz ta’lim” markazlari faoliyat olib bormoqda.

Fakultetda ijtmoiy sohada va barqaror rivojlanish bo‘yicha olib borilgan ishlar: fakultetda BMT tomonidan belgilangan barqaror rivojlanishga oid masalalar yuzasidan ta’limda gender tenglikni ta’minlash maqsadida ayollar tomonidan doktorlik dissertatsiyalari himoya qilinib, universitet olima ayollar uyushmasiga biriktirilgan.

Fakultet manzili: 150100, Farg`ona shahri,
Murabbiylar ko`chasi, 19-uy, 2-bino.
Telefon: (+99873) 244-44-05.
E-mail: fdupedagogika@umail.uz

Fakultet tarixi: Tabiiy fanlar fakulteti 1930-yilda tashkil topgan.

Fakultet haqida umumiy ma’lumot: 2023-2024-o‘quv yilida fakultetda 1409 nafar bakalavriat talabalari, 74 nafar magistrantlar tahsil olmoqda. Fakultetda 4 ta kafedrada jami 88 nafar professor-o‘qituvchilar asosiy ish o‘rnida faoliyat yuritmoqda. Fakuletning ilmiy salohiyati 60% ni tashkil etadi. Shundan,
4 nafari fan doktori, professorlar, 50 nafar fan nomzodi (PhD), dotsentlar, 10 nafari katta o‘qituvchi va 24 nafari o‘qituvchilardir.

Kafedra nomlari: Zoologiya va umumiy biologiya, botanika, biotexnologiya va ekologiya, kimyo va geografiya kafedralari faoliyat olib bormoqda.

Fakultetda bakalavriat, magistratura va tayanch doktorantura va doktoranturaning quyidagi yo‘nalishlari bo‘yicha mutaxassislar tayyorlanadi:

Fakultetda quyidagi bakalavriat yo‘nalishlari tayyorlanadi:

60530100 – Kimyo (turlar bo‘yicha)

60510100 – Biologiya (turlar bo‘yicha)

60710400 – Ekologiya va atrof-muhit muhofazasi (tarmoqlar va sohalar bo‘yicha)

60530400 – Geografiya

Fakultetda quyidagi magistratura mutaxasisliklari tayyorlanadi:

5A140101 - Biologiya (fan yo‘nalishi bo‘yicha)

5A140104 - Biotexnologiya

5A140501 - Kimyo (fan yo‘nalishi bo‘yicha)

5A140602 - Geografiya (o‘rganish obyekti bo‘yicha)

Fakultetda quyidagi tayanch doktorantura ixtisosliklari mavjud:

02.00.09-Tovarlar kimyosi

02.00.10-Bioorganik kimyo

03.00.05-Botanika

03.00.06-Zoologiya

03.00.08-Odam va hayvonlar fiziologiyasi

03.00.15-Ixtiologiya

11.00.02-Iqtisodiy va ijtimoiy geografiya

Ilmiy salohiyat: Fakultetda 10 ga yaqin ilmiy maktab yaratilgan bo‘lib, turli yillarda fakultet jamoasi a’zolaridan O‘zbekiston Fanlar Akademiyasi akademiklari A.M.Muhammadiyev, K.Z.Zokirov A.Muzaffarov, prоfessоrlar - S.Sahobiddinov, A.A.Muhammadiyev, M.H.Ahmedоv, A.M.Mahmedоv, A.Qоdirоv, A.Mahsudоv, Y.Parpiyev, S.Mahsudov, A.Leonov, S.B.Averensov, T.X.Xudoyberdiyev, X.M.Qurbonov, G‘.Hamidovlar faoliyat olib borgan. Fan doktori, prfessorlar A.Ibragimov, Y.Ahmadaliyev, I.Zokirov, M.Nishonov, M.Axamadaliyev, O.Abdug‘aniyev, M.Ismoilovlar hamda 50 an ortiq fan nomzodi (PhD) dotsentlar ayni damda faoliyat olib bormoqdalar. Kafedralarning ilmiy salohiyati tegishli tartibda geografiya kafedrasida 77 %, kimyo kafedrasida 59,4%, botanika, biotexnologiya va ekologiya kafedrasida 54,5 % , zoologiya va umumiy biologiya kafedrasida 47,3 % ni tashkil etadi.

Fakultetning erishgan yutuqlari (va O‘zbekistonda o‘rni): Fakultetda 2023-yilda 9 ta falsafa doktori (PhD), 2 ta fan doktori (DSc) dissertatsiyalari muvaffaqiyatli himoya qilindi. Shuningdek, 1 nafar talaba O‘zbekiston respublikasi prezidenti davlat stipendiyasi, 1 nafar talaba Mirzo Ulug‘bek nomidagi davlat stipendiyalari sovrindorlari bo‘lishdi.

Xalqaro hamkorlik va grantlar: Tabiiy fanlar fakulteti kafedralari dunyoning TOP 1000 taligiga kiruvchi M.V.Lomonosov nomidagi Moskva davlat universiteti, Abay nomidagi qozoq milliy pedagogika universiteti, Rossiya federatsiyasi Kazan federal universiteti, Tomsk davlat universiteti, Altay davlat universiteti, Qirg‘iz respublikasi O‘sh davlat universiteti, Jalal-Abad davlat universiteti kabi bir qator xorijiy oliy ta’lim muassasalari bilan hamkorlik qilib keladi.

Sizning talabangiz yotoqxona sharoiti haqida ma’lumot: Tabiiy fanlar fakulteti uchun universitet asosiy kampusi hududida joylashgan 3 talabalar turar joyi ajratilgan bo‘lib, TTJ 268 o‘ringa mo‘ljallangan. TTJ da talabalar uchun barcha sharoitlar mavjud. Jumladan, har bir etajda oshxona, yuvinish va kir yuvish xonalari, manaviyat-ma’rifat xonalari, kompyuter xonalari, sport bilan shug‘ullanishlari uchun trenajyor zallar, stol tennisi, dam olish joylari, bepul Wi-fi tarmoqlari mavjud.

Ijtimoiy sohada va barqaror rivojlanish bo‘yicha olib borilgan ishlar: Ijtimoiy sohada fakultet professor-o‘qituvchilarini dam olish vaqtlarini mazmunli o‘tkazish maqsadida respublikamizning turli sayyohlik joylariga universitet kasaba uyushmasi tomonidan sayohatlarga, ta’til davrida salomatliklarini tiklashlari uchun turli sanatoriylarga yo‘llanmalar berib boriladi.

Shuningdek, universitet ichki tartib qoidalari va odob-axloq kodeksiga amal qilgan talabalar har semestrda tanlov bo‘yicha stipendiyaga nisbatan 10-50 % oralig‘ida moddiy rag‘batlantirib boriladi.

Barqaror rivojlanish maqsadlaridan sifatli ta’lim, gender tengligi, toza suv va sanitariya, arzon va toza energiya, iqlim o‘zgarishiga qarshi kurashish, suv ekotizimlarini asrash va quruqlikdagi ekotizimlarni asrash borasida faoliyatlar olib borilmoqda. Bu borada, turli respublika va xalqaro seminarlar, anjumanlarda professor o‘qituvchilar va talabalar ishtirok etib kelishmoqda.

Fakultet manzili: Farg‘ona shahri, Burhoniddin Marg‘iloniy ko‘chasi 61-uy.
Tel: +99873 244 47 01. Email: tabiiy_fanlar2021@mail.ru

Fizika-matematika fakulteti haqida ma’lumot

Kafedralar
Fakultetda 6 ta asosiy kafedra mavjud:

• Matematika: 24 nafar professor-o‘qituvchi, ilmiy salohiyat 50%

• Matematik analiz va differensial tenglamalar: 13 nafar professor-o‘qituvchi, ilmiy salohiyat 76%

• Amaliy matematika va informatika: 14 nafar professor-o‘qituvchi, ilmiy salohiyat 78.5%

• Axborot texnologiyalari: 14 nafar professor-o‘qituvchi, ilmiy salohiyat 50%

• Fizika: 25 nafar professor-o‘qituvchi, ilmiy salohiyat 80%

• Texnologik ta’lim: 9 nafar professor-o‘qituvchi, ilmiy salohiyat 84%

Ta’lim yo‘nalishlari va mutaxassisliklar
Bakalavriat yo‘nalishlari:

• Matematika

• Fizika

• Amaliy matematika

• Axborot tizimlari va texnologiyalari

• Kompyuter ilmlari va dasturlash texnologiyalari

• Texnologik ta’lim

Magistratura mutaxassisliklari:

• Matematika

• Fizika

• Amaliy matematika

• Kompyuter tizimlari va ularning dasturiy ta’minoti

• Ta’lim va tarbiya nazariyasi va metodikasi

Talabalar haqida ma’lumot
Jami talabalar soni – 1965 nafar:

• Kunduzgi ta’lim: 1704

• Kechki ta’lim: 96

• Sirtqi ta’lim: 130

• Masofaviy ta’lim: 35

Gendеr ko‘rsatkichlari:

• Erkaklar: 428

• Ayollar: 1537

Ijtimoiy himoyaga muhtoj va yashash joyi:

• Vasiylikdagi talabalar: 2

• Nogironligi bo‘lgan talabalar: 12

Turar joyi:

• Yotoqxona: 612

• Ijarada yashovchilar: 112

• Doimiy yashash joyida (uyida): 1247

Fakultet tarixi: Iqtisodiyot fakulteti 1991-yilning tashkil topgan.

Fakultet haqida umumiy ma'lumot: 2023-2024-o’quv yilida fakultetda 1136 nafar bakalavriat talabalari, 22 nafar magistrantlar tahsil olmoqda. Fakultetda 4 ta kafedrada jami 38 nafar professor-o‘qituvchilar asosiy ish o‘rnida faoliyat yuritmoqda. Fakuletning ilmiy salohiyati 58% ni tashkil etadi. Shundan, 5 nafari fan doktori, professorlar, 17 nafar fan nomzodi, dotsentlar, 7 nafari katta o‘qituvchi va 9 nafari o‘qituvchilardir.

Kafedra nomlari: Iqtisodiyot va servis, Moliya, Jahon va mintaqa iqtisodiyot, Buxgalteriya hisobi va iqtisodiy tahlil  kafedralari faoliyat olib bormoqda.

Fakultetda bakalavriat, magistratura va doktoranturaning (alohida) quyidagi yo‘nalishlari bo‘yicha mutaxassislar tayyorlanadi:

Bakalavriatning quyidagi yo‘nalishlari bo‘yicha:

1. 60310100 – Iqtisodiyot (tarmoqlar va sohalar bo‘yicha)
2. 61010100 – Mehmonxona xo‘jaligini tashkil etish va boshqarish
3.  60410400 – moliya va moliyaviy texnologiyalar
4. 60410600 – sug‘urta ishi bo‘yicha
5. 60310300 -Mintaqaviy iqtisodiyot
6. 60411900 -Jahon iqtisodiyoti va xalqaro iqtisodiy munosabatlar
7. 60410100- Buxgalteriya hisobi va audit

Magistratura yo‘nalishlari boyicha:

1. 70310102 – Iqtisоdiyot (tаrmоqlаr vа sоhаlаr bo`yichа) magistrantlar
2. 70410401-Davlat moliyasi va xalqaro moliya

Doktoranturaning quyidagi ixtisosliklari bo‘yicha:

1) 08.00.06 – Ekonometrika va statistika ixtisosligi

2) 08.00.01-Iqtisodiyot nazaryasi

3) 08.00.12-Mintaqaviy iqtisodiyot  

Jami fakultet  bo’yicha 8 ta tayanch doktorant

Ilmiy salohiyat: 58%

Fakultetning erishgan yutuqlari (va O‘zbekistonda o‘rni): fakultetning yuqori salohiyatga ega professor-o‘qituvchilari respublika miqyosida turli yutuqlarga erishganlar. G‘afurov Ahmadali taniqli iqtisodchi olim, xalq ta’limi xodimi, maorif a’lochisi, Qori Niyoziy medali sohibi, 1991-y. “ O‘zbekston Respublikasi Xalq ta’limi xodimi a’lochisi”, Ulug‘ Vatan urushi qatnashchisi  (1941-1945y) , 1946-y. “Shuhrat” medali,  1960-y. G‘alabaning 30 yilligi medali , 1970-y. G‘alabaning 40 yilligi medali, 2020-y. “Keksalar” ko‘krak nishoni bilan taqdirlangan.

Fakultet talabalaridan  4 nafari Navoiy nomidagi davlat stipendiyasi, 1 nafari universitet ichki stipendiyasi sovrindori bo‘lgan. Fakultet professor-o‘qituvchilari xorijiy oliy o‘quv yurtlarida o‘tkazilgan ilmiy anjumanlarda qatnashgan, Qozog‘iston, Rossiya kabi xorijiy davlatlarda malaka oshirgan. Turkiya, Tojikiston, Qirg‘iziston, Qozog‘iston, Ozarbayjon, Hindiston, Rossiya kabi davlatlarning nufuzli OTMlari bilan xalqaro aloqalar o‘rnatilgan. Fakultet professor-o‘qituvchilari tomonidan dunyoning top 1000 taligiga kirgan xorijiy OTMlarda dars mashg‘ulotlarini olib borganlar. Fakultet professor-o‘qituvchilari tomonidan 30  dan ortiq darslik, 60 dan ortiq o‘quv va uslubiy qo‘llanmalar, 80 dan ortiq monografiyalar nashr etilgan. Qirg‘izistonnig O‘sh davlat universiteti bilan tuzilgan talabalar akademik mobilligi to‘g‘risida hamkorlik shartnomasi imzolangan.

Talabalar yotoqxonasi sharoiti: Fakultetning 117 nafar talabalari universitetning 7 -talabalar turar joyiga joylashtirilgan. Yotoqxona talabalar uchun 240 o’rinli, yotoqxona remuntga talab, xorijiy talabalar uchun imokoniyatlar yetarli emas.

Ijtmoiy sohada va barqaror rivojlanish bo'yicha olib borilgan ishlar: Fakultetda iqtisodiy sohalar bilan hamkorlik olib bormoqda: banklar, korxonalar, sug’urta tashkilotlar bilan hamkorliklar olib borilmoqda.

Fakultet manzili: 150100, Farg‘ona shahri,

A.Qodiriy ko‘chasi, 104-uy

Telefon: (+99873) 245 28 84

E-mail: honkeldiyeva@mail.ru

 Umumiy ma’lumot: Farg‘ona Pedagogika institutida Jismoniy tarbiya bo‘limi 1954-yilda ochilib, dastlab matematika – fizika fakulteti qoshida, keyin ximiya – biologiya fakulteti tarkibida faoliyat olib borgan.

1958-yilda “Jismoniy tarbiya” bo‘limi ximiya va biologiya fakultetidan ajratilib unga fakultet maqomi berildi.

Hozirgi kunda Fakultetda bakalavriatning quyidagi yo‘nalishlari boyicha mutaxassislar tayyorlanadi:

1) 5112000-Jismoniy madaniyat (1954-yildan buyon); -xotin-qizlar sportini rivojlantirish (2013-yildan buyon);

2) 60112200-Jismoniy madaniyat, xotin-qizlar sportini rivojlantirish

3) 61010300-sport faoliyati kurash, futbol

Magistratura yo‘nalishlari bo‘yicha:

    1)  70112200- Jismoniy tarbiya va sport mashg‘ulotlari nazariyasi va metodikasi.

 Ilmiy salohiyat:

Professor-o‘qituvchilar 43 nafar

Ilmiy salohiyat 30.2 %

Fakultetda 3 ta kafedra faoliyat olib boradi

1. Jismoniy tarbiya nazariyasi
2. Jismoniy tarbiya va sport o‘yinlarini o‘qitish metodikasi
3. Sport faoliyati kafedrasi

Fakultetda jismoniy tarbiya nazariyasi va uslubiyoti, sport o‘yinlari hamda jismoniy madaniyat kafedralarida 43 dan ortiq professor-o‘qituvchilar, shu jumladan, 1 nafar fan doktori, professor, 12 nafar fan nomzodi, dotsentlar, 14 nafar katta o‘qituvchi va 28 dan ortiq yuqori malakali o‘qituvchilar talabalarga bilim bermoqda.

Talabalar to‘g‘risida ma’lumot

735 nafar talabalar, shundan 193 nafar qizlar

TTJ da 156 nafar

Ijarada 39 nafar

O‘z uyidan qatnaydigonlar 540 nafar 

Huquqshunoslik fakulteti haqida ma’lumot

Farg‘ona davlat universitetining Huquqshunoslik fakulteti 2026-yilda tashkil etilgan. Avval u Tarix fakulteti tarkibida faoliyat yuritgan.

Talabalar soni: taxminan 1000 nafar.

Kafedralar:

1. Umumiy huquqiy fanlar kafedrasi

2. Maxsus huquqiy fanlar kafedrasi

Ta’lim shakllari: Kunduzgi va sirtqi bakalavr talabalari tahsil olmoqda.

Fakultet 1930-yilda tashkil topgan. 2005-yildan filologiya fakulteti nomi bilan atalgan.

2023-2024-o‘quv yilida fakultetda 2158 nafar bakalavriat talabalari, 74 nafar magistrantlar tahsil olmoqda. Fakultetda 5 ta kafedrada jami 96 nafar professor-o‘qituvchilar asosiy ish o‘rnida faoliyat yuritmoqda. Fakuletning ilmiy salohiyati 53,4 % ni tashkil etadi. Shundan, 18 nafari fan doktori, professorlar, 44 nafar fan nomzodi, dotsentlar, 19 nafari katta o‘qituvchi va 15 nafari o‘qituvchilardir.

Kafedra nomlari: Tilshunoslik, adabiyotshunoslik, o‘zbek tili va adabiyoti, rus filologiyasi, rus tili metodikasi.

Fakultetda bakalavriat, magistratura va doktoranturaning (alohida) quyidagi yo‘nalishlari bo‘yicha mutaxassislar tayyorlanadi:

Bakalavriatning quyidagi yo‘nalishlari bo‘yicha:

1. 5120100 - o‘zbek tili (1930-yildan buyon);

2) 5120100-rus tili (1930-yildan buyon);

3) 5111300-rus tili va adabiyoti (2009-yildan buyon);

4) 5120100-tojik tili (2017-yildan buyon).

Magistratura yo‘nalishlari boyicha:

1) 5A220102-lingvistika (o‘zbek tili)

2) 5A220102-lingvistika (rus tili)

3) 5A220101 – adabiyotshunoslik (o‘zbek adabiyot)

4) 5A220101 – adabiyotshunoslik: rus adabiyoti

Doktoranturaning quyidagi ixtisosliklari bo‘yicha:

1. 10.00.01 – O‘zbek tili
2. 10.00.02 – O‘zbek adabiyoti
3. 10.00.08 – Folklorshunoslik
4. 10.00.11 – Til nazariyasi. Amaliy va kompyuter lingvistikasi 

Ilmiy salohiyat:  53,4 %

Fakultetning erishgan yutuqlari (va O‘zbekistonda o‘rni): fakultetning yuqori salahoiyatga ega professor-o‘qituvchilari respublika miqyosida turli yutuqlarfa erishganlar. Professor Y.Solijonov “O‘zbekistonda xizmat ko‘rsatgan yoshlar murabbiyi” faxriy unvoni, professor Sh.Iskandarova “Shuhrat” medali, “Mehnat shuhrati” ordeni, “O‘zbekiston Mustaqilligiga 25 yil” ko‘krak nishoni, “O‘zbekiston Respublikasida xizmat ko‘rsatgan yoshlar murabbiysi” faxriy unvoni, professorlar S.Mo‘minov, A.Sabirdinovlar “Oliy ta’lim a’lochisi” ko‘krak nishoni, dotsentlar E.Ibragimova, F.Isomiddinov, M.Mirzoyev, Z.Sobirova, Z.Akbarova, A.Rasulova, A.Abdullayev, P.Ahmadjonovlar ko‘krak nishonlari bilan mukofotlanganlar.

Fakultet talabalaridan 2 nafari O‘zbekiston Respublikasi Prezidenti stipendiyasi, 12 nafari Navoiy nomidagi davlat stipendiyasi, 5 nafari universitet ichki stipendiyasi sovrindori bo‘lgan. Fakultet professor-o‘qituvchilari xorijiy oliy o‘quv yurtlarida o‘tkazilgan ilmiy anjumanlarda qatnashgan, Qozog‘iston, Rossiya kabi xorijiy davlatlarda malaka oshirgan. Turkiya, Tojikiston, Qirg‘iziston, Qozog‘iston, Ozarbayjon, Hindiston, Rossiya kabi davlatlarning nufuzli OTMlari bilan xalqaro aloqalar o‘rnatilgan. Fakultet professor-o‘qituvchilari tomonidan dunyoning top 1000 taligiga kirgan xorijiy OTMlarda dars mashg‘ulotlarini olib borganlar. Qirg‘iz adibi Chingiz Aytmatov, qozoq shoiri I.Yusupov ijodi hamda  jadidlar faoliyati va adabiy merosini o‘rganishga bag‘ishlangan  xalqaro miqyosdagi ilmiy-amaliy konferensiyalar o‘tkazilgan.

Qozon Federal universiteti bilan hamkorlikda “3+1” qo‘shma dasturi asosida ta’lim beriladi. Shuningdek, fakultet kafedralari qoshida innovatsion markazlar faoliyat yuritadi: tilshunoslik kafedrasi qoshida “Lingvistik tahlil va tarjimashunoslik”, adabiyotshunoslik kafedrasi qoshida “Badiiy tahlil, ilmiy tahrir va tarjima”, rus filologiyasi kafedrasi qoshida “Proflingva”, rus tili metodikasi kafedrasi qoshida “Rus tili o‘rgatish va tarjimashunoslik”.

Fakultet professor-o‘qituvchilari tomonidan 35 ta darslik, 80 dan ortiq o‘quv va uslubiy qo‘llanmalar, 100 dan ortiq monografiyalar nashr etilgan. Fakultetda Farg‘ona davlat universiteti huzuridagi ilmiy darajalar beruvchi DSс.03/30.12.2019.Fil.05.02 raqamli Ilmiy kengash hamda Ilmiy kengash qoshidagi Ilmiy seminarlar: 10.00.01 – O‘zbek tili, 10.00.11 – Til nazariyasi. Amaliy va kompyuter lingvistikasi, 10.00.02 – O‘zbek adabiyoti, 10.00.06 – Qiyosiy adabiyotshunoslik, chog‘ishtirma tilshunoslik va tarjimashunoslik faoliyat yuritmoqda. Mazkur Ilmiy kengashda bugunga qadar 182 ta himoylar o‘tkazilgan.

Fakultetdagi xalqaro hamkorlik va grantlar: Tojikiston Milliy universiteti, Xo‘jand davlat universiteti (Tojikiston), Tojikiston davlat huquq, biznes va siyosati universiteti (Tojikiston), Hoji Bayram Vali universiteti (Turkiya), Artvin Choruh universiteti (Turkiya), Karabuk universiteti (Turkiya), Nizomiy Ganjaviy nomidagi Adabiyot instituti (Ozarbayjon), Chanakkale o‘nsakkiz mart universiteti (Turkiya), Ankara universiteti (Turkiya), Muxtor Avezov nomidagi Qozog‘iston davlat universiteti (Qozog‘iston), Gumilyov nomidagi Yevroosiyo universiteti (Qozog‘iston), Qozon Federal universiteti (Rossiya Federatsiyasi) bilan xalqaro aloqalar o‘rnatilgan.

“Milliy neyropsixolingvistik tashxislash metodikasi” loyihasi 2023 yil 1-iyundan boshlab Oliy ta’lim, fan va innovatsiyalar vazirligi tomonidan 92757000 so‘m miqdorida moliyalashtirilgan. Mazkur loyiha doirasida Moskva oliy iqtisodiyot maktabi bilan hamkorlik yo‘lga qo‘yilgan.

Sankt-Peterburg davlat universiteti balan hamkorlikda “TRKI” loyihasi amalga oshirilmoqda va loyiha doirasida 45 000 000 so‘m pul tushirilgan.

Fakultetning 410 nafar talabalari universitetning 2, 6, 10-talabalar turar joyiga joylashtirilgan. Talabalar turar joyida barcha qulay sharoitlar yaratilgan. Jumladan, besh tashabbus xonalari, kompyuter sinfi, kutubxona, maishiy xizmat xonalari tashkil etilgan. Nogiron, chin yetim talabalar imtiyozli ravishda talabalar turar joyidan bepul foydalanadilar. Shuningdek, xorijiy talabalar uchun ham universitet tomonidan imtiyozlar yaratilgan. 

Fakultetda ijtmoiy sohada va barqaror rivojlanish bo‘yicha olib borilgan ishlar: fakultetda BMT tomonidan belgilangan barqaror rivojlanishga oid masalalar yuzasidan ta’limda gender tenglikni ta’minlash maqsadida ayollar tomonidan doktorlik dissertatsiyalari himoya qilinib, universitet olima ayollar uyushmasiga biriktirilgan. Fakultet professor-o‘qituvchilari Sh.Iskandarova, E.Ibragimova, Z.Sobirova, Z.Akbarova, A.Rasulovalar hukumatimiz tomonidan mukofotlanganlar.                         

Tilshunoslik kafedrasi dotsenti Z.Akbarova tomonidan “Milliy neyropsixolingvistik tashxislash metodikasi” loyihasi doirasida ilmiy-tadqiqot ishlari amalga oshirilmoqda.  

O‘zbekiston Respublikasi Oliy Majlis senati, O‘zbekiston xotin-qizlar qo‘mitasi va Oliy ta’lim, fan va innovatsiyalar vazirligi hamkorligida o‘tkazilayotgan xalqaro ilmiy-amaliy anjumanlarda Sh.Iskandarova, G.Muhammadjonova, G.Oripovalar o‘z ma’ruzalari bilan ishtirok etganlar.

Fakultet manzili: 150100, Farg‘ona shahri,

B.Marg‘iloniy ko‘chasi, 105-uy, 5-bino
Telefon: (+99873) 224-66-02
E-mail: filologiya@fdu.uz