Andijon qishloq xo‘jaligi va agrotexnologiyalar instituti

Agrobiznes va raqamli iqtisodiyot fakulteti 1991‑yilda "Iqtisodiyot" nomi bilan tashkil etilgan. Dastlab fakultet tarkibida quyidagi kafedralar faoliyat olib borgan:

• Qishloq xo‘jalik iqtisodiyoti va ishlab chiqarishni tashkil etish

• Qishloq xo‘jaligini boshqarish va hisoblash texnikasi

• Siyosiy iqtisod

1995‑yilda yangi kafedralar tashkil etildi:

• Menejment va marketing

• Hisoblash texnikasi va kompyuterlashtirish

• Oliy matematika

1996‑yilda Buxgalteriya hisobi va audit kafedrasi ochildi.

Dastlab 69 nafar talaba qabul qilingan bo‘lsa, hozirda bu ko‘rsatkich 200 dan oshgan.

Nom o‘zgarishlari

• 2004 — Iqtisodiyot va boshqaruv fakulteti

• 2017–2018 — Qishloq xo‘jaligida menejment fakulteti

• 2018 — O‘simliklarni himoya qilish va agrokimyo fakultetiga qo‘shildi

• 2020 — Agrologistika va biznes fakulteti sifatida ajraldi

• 2022–2023 — Agrobiznes va raqamli iqtisodiyot fakulteti tashkil etildi

Fakultet tarkibi

Hozirda quyidagi kafedralar faoliyat yuritmoqda:

• Iqtisodiyot

• Buxgalteriya hisobi va audit

• Agrobiznes va marketing

• Qishloq xo‘jaligi huquqi va agroturizm

• Axborot texnologiyalari va matematika

Ta’lim yo‘nalishlari

800 dan ortiq talabalar 41 ta akademik guruhda quyidagi yo‘nalishlarda tahsil olmoqda: Iqtisodiyot, Raqamli iqtisodiyot, Marketing, Buxgalteriya hisobi va audit, Sug‘urta ishi, Moliya va moliyaviy texnologiyalar, Logistika, Biznesni boshqarish, Yurisprudensiya, Turizm.

Hamkorlik

Fakultet quyidagi nufuzli OTMlar bilan hamkorlik qiladi:

• Toshkent davlat agrar universiteti

• Toshkent moliya instituti

• Andijon qurilish va iqtisodiyot instituti

• TIQXMMI milliy tadqiqot universiteti

Xalqaro hamkorlik doirasida Germaniyaning Weihenstephan‑Triesdorf universiteti bilan LOGO dasturi amalga oshirilmoqda. 100 dan ortiq talabalar Germaniyada amaliyot o‘tagan, 20 nafari magistraturada tahsilni davom ettirgan.

Talabalar yutuqlari

Oxirgi 3 yilda:

• 2 nafar — Prezident stipendiyasi

• 3 nafar — Islom Karimov stipendiyasi

• 1 nafar — Navoiy stipendiyasi

• 9 nafar — "Yil talabasi" g‘olibi

Professor‑o‘qituvchilar

• 64 nafar asosiy shtat

• 2 nafar o‘rindosh

• 25 nafari ilmiy darajali

• Ilmiy salohiyat: 39.1%

2023–2024 o‘quv yilida:

• 6 ta PhD himoya qilindi

• 2 ta ilmiy unvon olindi

• 15 ta darslik

• 13 ta o‘quv qo‘llanma va monografiya tayyorlandi

O‘zbekiston Respublikasi Prezidentining 2023‑yil 24‑fevraldagi PQ‑73‑sonli "Ipakchilik tarmog‘ini yanada rivojlantirish bo‘yicha chora‑tadbirlar to‘g‘risida"gi qaroriga muvofiq institutda Qishloq xo‘jaligi mahsulotlarini saqlash va qayta ishlash fakulteti negizida Ipakchilik va tutchilik fakulteti tashkil etildi.

Ta’lim yo‘nalishlari

Fakultetda soha ehtiyojidan kelib chiqib 8 ta ta’lim yo‘nalishi va 5 ta mutaxassislik bo‘yicha kadrlar tayyorlanmoqda.

Kafedralar

Fakultet tarkibida 4 ta kafedra faoliyat yuritadi:

• Mevachilik, sabzavotchilik va uzumchilik

• Ipakchilik, qishloq xo‘jaligi mahsulotlarini saqlash va dastlabki qayta ishlash

• Chorvachilik va veterinariya meditsinasi

• Fizika va kimyo

Professor-o‘qituvchilar tarkibi

Jami 73 nafar professor‑o‘qituvchi faoliyat yuritadi:

• 2 nafar fan doktori, professor

• 20 nafar PhD, dotsent

• 48 nafar tajribali o‘qituvchi

Ular 618 nafar talabaga ta’lim bermoqda. Ilmiy salohiyat — 32,4%, o‘rtacha yosh — 41,8.

O‘quv infratuzilma

32 ta zamonaviy auditoriya mavjud bo‘lib, ular ma’ruza, laboratoriya va amaliy mashg‘ulotlar uchun to‘liq jihozlangan. Laboratoriyalar zamonaviy texnika va kompyuterlar bilan ta’minlangan.

Xalqaro hamkorlik

Fakultet Latviya, Italiya, Polsha, Gollandiya, Germaniya, Kanada, Koreya, Turkiya, Qozog‘iston, Qirg‘iziston va Tojikiston oliy ta’lim muassasalari bilan hamkorlik qiladi. 5 nafar professor‑o‘qituvchi xorijda stajirovka o‘tagan.

Amaliyot dasturlari

• 2019–2020 yillarda — 29 nafar talaba Germaniyada amaliyot

• 2024 yilda — 35 nafar talaba Germaniya fermer xo‘jaliklarida ishlab chiqarish amaliyoti

Agroinjeneriya va gidromelioratsiya fakulteti tarixi institut tarixi bilan chambarchas bog‘liq. Fakultet 1960‑yilda Toshkent irrigatsiya va qishloq xo‘jaligini mexanizatsiyalash injenerlari instituti filiali sifatida Andijon shahrida faoliyat boshlagan. 1964‑yilda Andijon paxtachilik instituti tashkil etilgach, uning tarkibida “Qishloq xo‘jaligini mexanizatsiyalashtirish” va “Gidromelioratsiya” fakultetlari faoliyat yuritgan.

1997‑yilda ikkala fakultet birlashtirilib “Agroinjeneriya” fakulteti deb nomlandi. 2020‑yil 29‑avgustdagi vazirlik buyrug‘iga binoan “Agroinjeneriya va gidromelioratsiya” fakulteti sifatida faoliyat yuritmoqda.

Natijalar

Bugungacha 20 mingdan ortiq malakali mutaxassislar yetishtirilib, ular respublika va xorijda qishloq hamda suv xo‘jaligi sohalarida faoliyat yuritib kelmoqda.

Ta’lim yo‘nalishlari

600 dan ortiq talabalar quyidagi yo‘nalishlarda tahsil olmoqda:

• Qishloq xo‘jaligini mexanizatsiyalashtirish

• Professional ta’lim (mexanizatsiya)

• Suv xo‘jaligi va melioratsiya

• Energiya ta’minoti

• Avtomatlashtirish va boshqaruv

• Gidrotexnika inshootlari

• Texnik servis

• Melioratsiya ishlarini mexanizatsiyalash

• Yer kadastri va yer tuzish

Kafedralar va jamoa

3 ta mutaxassislik kafedrasida 89 nafar professor‑o‘qituvchi faoliyat yuritadi. Shundan 8 nafari fan doktori, professor; 33 nafari fan nomzodi, dotsent.

Yutuqlar va hamkorlik

Talabalar Ulug‘bek va Beruniy davlat stipendiyalari hamda turli tanlovlar g‘oliblari bo‘lishgan. Fakultet professor‑o‘qituvchilari Buyuk Britaniya, Italiya, Belgiya, Gollandiya, Germaniya, Kanada, Koreya, Rossiya, Qozog‘iston va Qirg‘iziston oliygohlari bilan hamkorlik qiladi.

2015-yil 3-noyabrdagi O‘zbekiston Respublikasi Vazirlar Mahkamasining 311-sonli qaroriga muvofiq, Agronomiya fakultetidan ajralib chiqqan “O‘simliklarni himoya qilish va meva-sabzavotchilik” fakulteti alohida fakultet sifatida tashkil etildi. Fakultetga dotsent Z. Bo‘stonov rahbarlik qilgan.

2017-yil 7-avgustdagi O‘zbekiston Respublikasi Qishloq va suv xo‘jaligi vazirligining 220-sonli qaroriga asosan “O‘simliklar himoyasi va agrokimyo” fakulteti tashkil etildi. Fakultet tarkibiga 5 ta kafedra biriktirildi.

Mazkur kafedralarning 4 tasi mutaxassislik kafedralari hisoblanadi:

• “O‘simliklarni himoya qilish (ekin turlari bo‘yicha)” (O‘simliklar himoyasi va karantini),

• “Qishloq xo‘jalik mahsulotlari karantini”,

• “Agrokimyo va tuproqshunoslik”,

• “Dorivor o‘simliklar yetishtirish va qayta ishlash texnologiyasi”.

Ushbu kafedralarda 5 nafar fan doktori, professor, 18 nafar fan nomzodi, dotsent, 11 nafar katta o‘qituvchi hamda 5 nafar texnik xodim — jami 39 nafar professor-o‘qituvchi va xodim faoliyat olib borgan. Fakultetda 725 nafar talaba tahsil olgan.

Fakultet dekani lavozimida quyidagilar faoliyat yuritgan:

• q.x.f.f.d., dotsent M. Atajanov (2017–2018 yy.),

• p.f.f.d., dotsent I. Mamajonov (2018–2019 yy.),

• q.x.f.f.d., dotsent U. Isashova (2019–2021 yy.),

• t.f.f.d., dotsent M. Xalilov (2021–2023 yy.),

• D. G‘aniyev (2023–2024 yy.).

Hozirda fakultet dekani lavozimida q.x.f.f.d., dotsent S.R. Xatamov faoliyat yuritmoqda.

O‘quv rejasida ko‘zda tutilgan o‘quv-amaliyot, ishlab chiqarish amaliyoti (entomologiya, fitopatologiya, agrokimyo) hamda pedagogika yo‘nalishidagi malakaviy amaliyotlar Farg‘ona vodiysi viloyatlaridagi qishloq xo‘jaligi korxonalari, karantin inspeksiyalari, qishloq xo‘jaligi boshqarmalari, klasterlar va agrokimyo laboratoriyalarida tashkil etiladi.

Fakultet professor-o‘qituvchilari va talabalarining ilmiy maqolalari “Andijon yoshlari” gazetasi, turli ilmiy to‘plamlar, respublika hamda xalqaro konferensiya materiallarida chop etib kelinmoqda. To‘garak a’zolari orasidan nomdor stipendiya sohiblari hamda turli tanlovlar g‘oliblari yetishib chiqmoqda.

Fakultetda xalqaro hamkorlik yo‘lga qo‘yilgan. Xorijiy davlatlar bilan tuzilgan shartnomalar asosida fakultet talabalari qishloq xo‘jaligi yo‘nalishida xorijiy oliy ta’lim muassasalari va ilmiy-tadqiqot institutlarida malakaviy amaliyot o‘tamoqda. Jumladan:

• “AZ-Germany Consulting” (2019-yilda 12 nafar, 2020-yilda 20 nafar),

• “Ge-Tec Solutions” (2019-yilda 1 nafar, 2020-yilda 5 nafar),

• “LOGO e.V.” (2020-yilda 8 nafar),

• “FerienJob” (2020-yilda 12 nafar) talabalar malakaviy amaliyot o‘tagan.

1964‑yilda institut tashkil etilishi bilan Agronomiya fakulteti ham tashkil etilgan. 1964–2021 yillar davomida fakultetga Y.Z. Qodirov, A.X. Mamadaliyev, T.K. Karimov, A.A. Kan, T.J. Jalolov, U.O. Obidov, R.O. Oqboyev, E.O. Ochilov, Z.M. Jumaboyev, J.Sh. To‘ychiyev, Z.T. Bo‘stonov, K.S. Komilov, M.M. Atajanov, A.N. Jo‘rayev rahbarlik qilgan.

O‘zbekiston Respublikasi Prezidentining 2018‑yil 8‑maydagi PQ‑3704‑son qaroriga asosan Agronomiya fakulteti negizida Agrobiologiya fakulteti tashkil etilgan. Hozirda fakultet dekani — Ibrohimjon Abduhalimovich Tursunov.

Talabalar va yo‘nalishlar

Fakultet tasarrufida 6 ta ta’lim yo‘nalishida 601 nafar talaba tahsil olmoqda:

• Agronomiya

• Qishloq xo‘jalik ekinlari selektsiyasi va urug‘chiligi

• Dorivor o‘simliklarni yetishtirish va qayta ishlash texnologiyasi

• O‘rmonchilik va ko‘kalamzorlashtirish

• Ekologiya va atrof‑muhit muhofazasi

• Professional ta’lim (Agronomiya)

Kafedralar

• Qishloq xo‘jalik ekinlari selektsiyasi, urug‘chiligi va dorivor o‘simliklar

• O‘simlikshunoslik, soya va moyli ekinlar

• Organik dehqonchilik va o‘rmon melioratsiyasi

Ilmiy salohiyat

Fakultetda 81 nafar professor‑o‘qituvchi faoliyat yuritadi:

• 8 nafar fan doktori, professor

• 38 nafar fan nomzodi, dotsent

• 14 nafar katta o‘qituvchi

• 21 nafar assistent

So‘nggi o‘quv yilida 12 nafar o‘qituvchi PhD darajasini, 6 nafari ilmiy unvon oldi.

Talabalar yutuqlari

Oxirgi 3 yilda:

• 1 nafar — Prezident stipendiyasi

• 3 nafar — Beruniy stipendiyasi

• 8 nafar — Yil talabasi g‘olibi

Ilmiy tadqiqotlar va hamkorlik

Fakultet Toshkent davlat agrar universiteti, Samarqand agroinnovatsiyalar instituti, Paxta seleksiyasi ilmiy markazi, O‘simlikshunoslik instituti, Don va dukkakli ekinlar ilmiy institutlari bilan hamkorlikda ilmiy tadqiqotlar olib bormoqda. Tadqiqot mavzulari asosan yuqori va sifatli hosil olish agrotexnologiyalarini ishlab chiqishga qaratilgan.

Professor X. Egamov rahbarligida g‘o‘zaning Andijon Ziyo, Andijon Ziyo‑2 va Andijon Ziyo‑3 navlari yaratilgan. Dotsent M. Mannopova rahbarligida soya va moshning yangi navlarini yaratish ishlari olib borilmoqda.

O‘quv adabiyotlari

So‘nggi 3 yil davomida:

• 22 ta darslik

• 27 ta o‘quv qo‘llanma va monografiya nashr etilgan.

Amaliyot bazalari

Talabalar amaliyotlari Andijon, Farg‘ona va Namangan viloyatlaridagi ilg‘or korxonalar va fermer xo‘jaliklarida tashkil etiladi. Talabalar yangi navlar yaratish va zamonaviy agrotexnologiyalarni amaliy o‘rganadilar.

Sport va talabalar hayoti

Fakultetda sport bilan shug‘ullanish uchun barcha sharoitlar yaratilgan. Talabalar futbol, voleybol, basketbol, stol tennisi, kurash, og‘ir atletika, shaxmat va mini futbol to‘garaklarida faol qatnashadilar.