Osiyo texnologiyalar universiteti

Osiyo texnologiyalar universiteti (Asian Technology University) — 2022-yilda tashkil etilgan va O‘zbekiston Respublikasi Oliy ta’lim, fan va innovatsiyalar vazirligi tomonidan litsenziyalangan nodavlat oliy ta’lim muassasasidir. Universitet Qashqadaryo viloyati, Qarshi shahrida joylashgan.

Universitet bakalavriat va magistratura bosqichlarida zamonaviy va xalqaro standartlarga mos ta’lim dasturlarini taklif etadi. Hozirda universitetda 8 mingdan ortiq talaba tahsil olmoqda. Ta’lim jarayoni axborot texnologiyalari, sun’iy intellekt, dasturiy injiniring, iqtisodiyot, filologiya, pedagogika va boshqa yo‘nalishlarni qamrab oladi.

Osiyo texnologiyalar universiteti xalqaro hamkorlikni rivojlantirishga alohida e’tibor qaratadi. Universitet Qozog‘iston, Rossiya, Chexiya va Hindistonning nufuzli oliy ta’lim muassasalari bilan hamkorlik aloqalarini yo‘lga qo‘ygan. Xalqaro almashinuv dasturlari, qo‘shma ilmiy loyihalar va 2+2 ta’lim dasturlari talabalar uchun keng imkoniyatlar yaratadi.

Universitet zamonaviy infratuzilma, innovatsion o‘quv muhiti va malakali professor-o‘qituvchilar jamoasi orqali raqobatbardosh mutaxassislarni tayyorlashni o‘z oldiga maqsad qilib qo‘ygan.

{}

Osiyo texnologiyalar universiteti xalqaro hamkorlikni ta’lim va ilmiy faoliyatning ustuvor yo‘nalishlaridan biri sifatida belgilagan. Universitet dunyoning nufuzli oliy ta’lim muassasalari bilan strategik hamkorlik aloqalarini rivojlantirib, talaba va professor-o‘qituvchilar uchun xalqaro akademik imkoniyatlarni kengaytirib bormoqda.

Bugungi kunda universitet Qozog‘iston, Rossiya Federatsiyasi, Chexiya Respublikasi va Hindistonning yetakchi universitetlari bilan hamkorlik shartnomalarini amalga oshirmoqda. Xususan, QS World University Rankings reytingida yuqori o‘rinlarni egallab kelayotgan Al-Farobiy nomidagi Qozog‘iston Milliy Universiteti (KazNU) bilan 2+2 qo‘shma ta’lim dasturi yo‘lga qo‘yilgan bo‘lib, mazkur dastur talabalarga xalqaro darajadagi bilim va tajriba orttirish imkoniyatini yaratadi.

Xalqaro hamkorlik doirasida akademik almashinuv dasturlari, professor-o‘qituvchilar malakasini oshirish, qo‘shma ilmiy tadqiqotlar, xalqaro konferensiyalar, seminarlar va innovatsion loyihalar muntazam ravishda tashkil etib kelinmoqda. Universitet xorijiy ekspertlar va professorlarni ta’lim jarayoniga jalb qilish orqali o‘quv dasturlarining sifatini xalqaro standartlar asosida takomillashtirib bormoqda.

Shuningdek, universitet talabalarning global kompetensiyalarini rivojlantirish maqsadida xalqaro grantlar, ilmiy stajirovkalar, madaniy almashinuv dasturlari va xorijiy ta’lim muassasalari bilan hamkorlikdagi loyihalarda faol ishtirok etishini qo‘llab-quvvatlaydi.

Osiyo texnologiyalar universitetining xalqaro hamkorlik siyosati ta’lim sifati, ilmiy salohiyat va innovatsion rivojlanishni yangi bosqichga olib chiqishga xizmat qilmoqda.

{}