Tarix (yo‘nalishlar va faoliyat turi bo‘yicha)

70220301 – Tarix (yo'nalishlar va faoliyat turi bo'yicha). Magistratura mutaxassisligi O'zbekiston va jahon tarixining muayyan davrlari va yo'nalishlari bo'yicha chuqurlashtirilgan ilmiy tayyorgarlikni, tarixiy manbalarni qiyosiy va tanqidiy tahlil qilish, manbashunoslik, tarixshunoslik, arxeologiya, etnologiya va arxivshunoslik sohalarida mustaqil tadqiqot olib borish, zamonaviy tarixiy tadqiqot metodologiyasi va raqamli tarix vositalarini qo'llash hamda ilmiy natijalarni nashr etish bilan bog'liq kasbiy sohalar majmuasini qamrab oladi. Bitiruvchilar oliy ta'lim muassasalarida o'qituvchi va katta o'qituvchi, O'zbekiston Respublikasi Fanlar akademiyasi va tarmoq ilmiy-tadqiqot institutlarida ilmiy xodim, muzeylar, arxivlar, qo'riqxonalar va madaniy meros obyektlarida yetakchi mutaxassis va ekspert, davlat boshqaruvi organlari, mahalliy va xalqaro tashkilotlar, ommaviy axborot vositalari va nashriyotlarda faoliyat olib borish, shuningdek tayanch doktorantura (PhD) da ilmiy faoliyatini davom ettirish imkoniyatiga ega bo'ladi.