Ta'limda axborot texnologiyalari

70110602 – Ta'limda axborot texnologiyalari. Magistratura mutaxassisligi ta'lim jarayonini raqamlashtirish, elektron ta'lim (e-learning) va masofaviy o'qitish tizimlarini loyihalash va boshqarish, o'quv jarayonini boshqarish tizimlari (LMS) va raqamli ta'lim platformalarini joriy etish, elektron o'quv resurslari, multimedia va interaktiv kontent yaratish, ta'lim ma'lumotlarini tahlil qilish (learning analytics) va sun'iy intellekt vositalarini ta'limda qo'llash, axborot xavfsizligi hamda pedagogik dasturiy vositalarni ishlab chiqish va samaradorligini baholash bilan bog'liq kasbiy sohalar majmuasini qamrab oladi. Bitiruvchilar oliy va o'rta maxsus ta'lim muassasalarida o'qituvchi va katta o'qituvchi, ta'lim tashkilotlarining axborot texnologiyalari va masofaviy ta'lim bo'limlarida boshliq va mutaxassis, xalq ta'limi boshqaruv organlari va metodik markazlarda raqamlashtirish bo'yicha ekspert, ta'lim texnologiyalari (EdTech) kompaniyalarida loyiha rahbari va kontent ishlab chiquvchi, shuningdek ilmiy-tadqiqot markazlarida faoliyat olib borish va tayanch doktorantura (PhD) da ilmiy faoliyatini davom ettirish imkoniyatiga ega bo'ladi.