AFRASIAB UNIVERSITY

Afrasiab University 2022-yilda tashkil etilgan bo‘lib, qisqa vaqt ichida akademik mukammallik, innovatsiyalar va xalqaro hamkorlik tamoyillariga asoslangan zamonaviy oliy ta'lim muassasasiga aylandi. Dastlab Ijtimoiy va siyosiy fanlar instituti sifatida tashkil etilgan universitet o‘zining kengayib borayotgan akademik yo‘nalishlari, ta'lim missiyasi va xalqaro hamkorliklarini aks ettirish maqsadida strategik transformatsiyani amalga oshirdi.

Afrasiab University nomiga o‘tish universitetning kengaytirilgan akademik missiyasi, rivojlanib borayotgan xalqaro hamkorliklari hamda global miqyosda faoliyat yurituvchi zamonaviy universitetga aylanish yo‘lidagi uzoq muddatli strategiyasini ifodalaydi. Bugungi kunda universitet 18 ta bakalavriat va 7 ta magistratura ta'lim dasturini taklif etib, nazariy bilimlarni amaliy va kasbiy tayyorgarlik bilan uyg‘unlashtiradi.

Universitet talabalarga yo‘naltirilgan ta'lim muhitini yaratish, ilmiy tadqiqotlar, innovatsiyalar va xalqaro hamkorlikni rivojlantirish orqali bitiruvchilarni zamonaviy global jamiyatda muvaffaqiyatli faoliyat yuritishga tayyorlaydi. Afrasiab University O‘zbekiston Respublikasi qonunchiligiga muvofiq davlat litsenziyasi asosida faoliyat yuritadi.

Xorijiy talabalar uchun yaratilgan sharoitlar

Ijtimoiy va siyosiy fanlar institutida xorijiy talabalar uchun qulay va zamonaviy ta’lim muhitini yaratishga alohida e’tibor qaratilgan. Institutda chet ellik talabalarni qabul qilish, o‘qishga qabul jarayonlarini tashkil etish, hujjatlarni rasmiylashtirish va moslashuv davrida ko‘maklashish bo‘yicha maxsus xizmatlar yo‘lga qo‘yilgan.

Talabalar zamonaviy auditoriyalar, axborot-resurs markazi, elektron ta’lim platformalari va yuqori tezlikdagi internet tarmog‘idan foydalanish imkoniyatiga ega. Shuningdek, xorijiy talabalarning akademik va ijtimoiy hayotga tez moslashishlari uchun mentorlik tizimi, ma’naviy-ma’rifiy tadbirlar, madaniy uchrashuvlar hamda turli ilmiy loyihalarda ishtirok etish imkoniyatlari yaratilgan.

Institut xalqaro hamkorlikni rivojlantirishga alohida e’tibor qaratib, xorijiy talabalar uchun qulay, xavfsiz va sifatli ta’lim muhitini ta’minlashga intiladi. Bu esa talabalarning nafaqat kasbiy bilimlarini, balki xalqaro tajriba va madaniyatlararo muloqot ko‘nikmalarini ham rivojlantirishga xizmat qiladi.

Hozirgi kunda Ijtimoiy va siyosiy fanlar instituti ko'plab xalqaro universitetlar bilan muvafaqqiyatli shartnomlaar imzolagan. Jumladan Malayziya, AQSH, Xitoy, Indoneziya, Qozog'iston kabi davlatlar bilan aloqalar o'rnatilgan.

{}