Toshkent kimyo-texnologiya instituti

Toshkent kimyo-texnologiya instituti (TKTI, http://tkti.uz) - kimyoviy texnologiya (organik va noorganik moddalar, polimerlar, silikat va qiyin eruvchan materiallar, nodir va kamyob metallar kimyoviy texnologiyasi), oziq-ovqat texnologiyasi, neft va gazni qayta ishlash, ekologiya, biotexnologiya, enologiya, sellyuloza va yogʻochga ishlov berish texnologiyasi va b. yo‘nalishlar boyicha yuqori malakali mutaxassislar tayyorlashga ixtisoslashgan Markaziy Osiyodagi yetakchi universitetlardan biri hisoblanadi. 

Toshkent kimyo-texnologiya instituti 1991-yil 6-maydagi O‘zbekiston Respublikasi Prezidentining Farmoni bilan tashkil etilgan. TKTI respublikada oliy texnik ta’lim darajasini oshirish, muhandislik va ilmiy kadrlar tayyorlashni takomillashtirish maqsadida 1929 yildan beri faoliyat yuritayotgan sobiq Toshkent politexnika institutining bir necha fakultetlari negizida tashkil etilgan. Institut o‘z faoliyati davomida mamlakatimiz kimyo, neft-gaz, oziq-ovqat, qurilish sanoati va iqtisodiyotining boshqa tarmoqlari uchun 10 mingdan ortiq yuqori malakali muhandis-texnologlar tayyorladi.

Toshkent kimyo-texnologiya instituti Oʻzbekistondagi yetakchi kimyo-texnologiya oliy oʻquv yurtiboʻlib, oʻquv, ilmiy-tadqiqot, pedagogik va tarbiyaviy faoliyatni amalga oshiradi. Institut tuzilmasigaToshkent shahridagi Bosh kampus, Shahrisabz va Yangiyerdagi filiallar kiradi. Toshkent shahridagiBosh kampusda 4 ta fakultet, 20 ta kafedra, 6 ta ishlab chiqarish oʻquv markazlari va 12 ta ilmiylaboratoriyalar mavjud.

Institut to'rt yillik bakalavriat dasturlari, ikki yillik magistrlik dasturlari va fan doktori (PhD va DSc) dasturlari bo‘yicha akkreditatsiyadan o'tgan. Jami 29 ta bakalavriat dasturlari; 30 ta magistratura mutaxassisligi, 16 ta doktorantura; hamda halqaro dasturlar - 5 ta ikki tomonlama diplom berish bakalavriat dasturlari; 7 ta ikki tomonlama diplom magistratura dasturi, 1 ta qo‘shma doktorantura dasturi (“Cotutelle dasturi”) bo‘yicha kadrlar tayyorlanadi. Institutda kunduzgi va sirtqi ta’lim turlarida 7800 nafar bakalavriat, 445 nafar magistratura va 139 nafar doktorantura talabalari taxsil oladi.

TKTI da 400 dan ortiq professor-o‘qituvchilar mehnat faoliyatini yuritadi, ulardan 5 nafari O‘zbekiston Respublikasi va Xalqaro Fanlar Akademiyalarining akademiklari va muxbir a’zolari, 266 nafari fan doktorlari va nomzodlari, falsafa doktorlari hisoblanadi. Institutda Yevropa Ittifoqi, AQSh, Yaponiya, Xitoy, Rossiya Federatsiyasi, Janubiy Koreya va b. davlatlar etakchi universitetlaridan taklif etilgan xorijiy professor-o‘qituvchilar tomonidan muntazam ravishda o‘quv seminarlari va ma’ruzalar tashkil etiladi. Bundan tashqari, Toshkent kimyo-texnologiya institutida Oʻqituvchilarni malaka oshirish va qayta tayyorlash tarmoq markazi va ilmiy darajalar berish boʻyicha ikkita ixtisoslashtirilgan ilmiy kengash, “Asfalt-beton texnologiyasini modifikatsiyalash boʻyicha Oʻzbekiston-Xitoy qoʻshma ilmiytadqiqot laboratoriyasi”, “Zamonaviy fizik-kimyoviy tahlil laboratoriyasi” faoliyat koʻrsatmoqda.

Xorijiy fuqarolar Toshkent kimyo-texnologiya institutiga tanlagan ta’lim yo‘nalishi bo‘yicha suhbat asosida o‘qishga qabul qilinadi. Qabul qilish tartibi va talab qilinadigan hujjatlar ro'yxati quyidagicha:

1. FISH, fuqaroligi va ta'lim yo'nalishi ko'rsatilgan rektor nomiga ariza (PDF formatidagi arizaning imzolangan nusxasi ilova qilinadi);

2. Milliy pasportning elektron varianti;

3. Xorijiy pasportning elektron versiyasi;

4. Xorijiy fuqaroning o‘rta (11-12 yillik o‘qish) yoki o‘rta maxsus, kasb-hunar ta’limi to‘g‘risidagi hujjatning elektron varianti;

5. Xorijiy fuqaroning o‘rta (11-12 yillik ta’lim) yoki o‘rta maxsus, kasb-hunar ma’lumotini tasdiqlovchi attestat, sertifikat (diplom), sertifikatning o‘zbek yoki rus tillariga tarjima qilingan va notarial tasdiqlangan elektron ko‘rinishi (agar sertifikat davlat tilida bo‘lmagan bo‘lsa). o'zbek va rus tillari);

6. Elektron fotosurat (3,5x4,5) - raqamli kamerada, oq fonda.

ESLATMA: Xorijiy fuqarolarning hujjatlari elektron shaklda 5 iyundan 31 avgustgacha quyidagi elektron manzillar orqali qabul qilinadi: saidumarhon1998@gmail.com, zebo.babakhanova@gmail.com, tkti_xab@mail. yoki qabul komissiyasiga topshiriladi.

Barcha yo‘nalishlar bo‘yicha suhbatlar 5-avgustdan 30-avgustgacha o‘tkaziladi

Murojaat uchun telefon raqami: +998 97 012 44 55 (Saidumarxon Saidahmadov, Telegram, Whats App).

Xorijiy abituriyentlar suhbatga kelganda hujjatlarning asl nusxasi institutning xalqaro hamkorlik bo‘limiga, ta’lim to‘g‘risidagi hujjatlarning asl nusxasi TKTI qabul komissiyasiga taqdim etiladi.

Xalqaro hamkorlik yo‘nalishlari

TKTI xalqaro aloqalarni rivojlantirish orqali ta’lim sifati, ilmiy tadqiqotlar va innovatsion loyihalarni kengaytirishga e’tibor qaratadi. Institutning xalqaro hamkorligi quyidagi yo‘nalishlarda olib boriladi:

1.Xorijiy universitetlar bilan hamkorlik

• Chet el oliy ta’lim muassasalari bilan memorandum va kelishuvlar tuzish;
• Professor-o‘qituvchilar va talabalar almashinuvini rivojlantirish;
• Qo‘shma ta’lim dasturlarini tashkil etish.

2. Qo‘shma ta’lim dasturlari
Institutda xalqaro tajribaga asoslangan qo‘shma ta’lim loyihalari amalga oshiriladi. Bunday dasturlar talabalarga ikki tomonlama ta’lim tajribasi va zamonaviy bilimlarni olish imkonini beradi.

3. Ilmiy-tadqiqot hamkorligi
TKTI xorijiy ilmiy markazlar va universitetlar bilan:

• kimyoviy texnologiyalar;
• yangi materiallar;
• ekologik texnologiyalar;
• oziq-ovqat va biotexnologiya sohalarida ilmiy loyihalarni rivojlantirishga harakat qiladi.

4. Xalqaro loyihalarda ishtirok
Institut xalqaro tashkilotlar va xorijiy hamkorlar bilan ta’lim va ilmiy loyihalarda qatnashib, zamonaviy laboratoriya bazasini rivojlantirish hamda professor-o‘qituvchilar malakasini oshirishga yo‘naltirilgan faoliyat olib boradi.

Hamkorlikning asosiy maqsadlari

• ta’lim jarayoniga xalqaro tajribalarni joriy qilish;
• talabalar va o‘qituvchilarning akademik mobilligini oshirish;
• xorijiy tajribalar asosida yangi texnologiyalarni o‘zlashtirish;
• sanoat korxonalari bilan xalqaro aloqalarni rivojlantirish.

Institut jahonning 100 dan ortqi ilg‘or xorijiy ilmiy va ta’lim muassasalari, tashkilotlari bilan hamkorlik aloqalari o‘rnatilgan

• AQSh – 2
• Rossiya Federatsiyasi – 26
• Belorussiya – 8
• Janubiy Koreya – 11
• Qozog‘iston – 10
• Xitoy Halq Respublikasi – 9
• Tojikiston – 5
• Qirg‘iziston – 4
• Yevropa Ittifoqi – Ispaniya, Italiya, Latviya, Bolgariya, Polsha, Chexiya, Vengriya,  Ruminiya.
• Osiyo - Hindiston, Turkiya, Yaponiya, Malayziya

{}

Institut o‘tgan davr ichida kimyo, oziq-ovqat, neft-gaz, qurilish materiallari va iqtisodiyotning boshqa tarmoqlariga 10 mingdan ziyod yuqori malakali muxandis texnologlar, ta’lim yo‘nalishlari bo‘yicha mingdan ortiq bakalavr va 30 ga yaqin mutaxassisliklar bo‘yicha magistrlar tayyorlab berdi. Shuningdek, kafedra va ilmiy- tadqiqot laboratoriyalarida bajarilgan katta hajmdagi izlanishlar natijalariga ko‘ra 50 dan ortiq fan doktorlari va 150 nafar fan nomzodlari tayyorlandi. Institutda tahsil olgan mutaxassislar respublikamizning hamda ayrim MDH davlatlarining ko‘plab hukumat tashkilotlarida va ishlab chiqarishning barcha tarmoqlarida mas’uliyatli lavozimlarda samarali faoliyat ko‘rsatib kelyaptilar. Hozirgi kunda Toshkent kimyo-texnologiya instituti Respublikamiz oliy ta’lim tizimida malakali kadrlar tayyorlab beruvchi yirik tayanch oliy o‘quv yurtlaridan biri bo‘lib hisoblanadi. O‘quv, o‘quv-uslubiy, ilmiy-tadqiqot, ma’naviy-ma’rifiy, ta’lim-tarbiya va boshqa ishlarda erishgan yutuqlari tufayli yuqori reyting ko‘rsatkichlari bilan oliy o‘quv yurtlari orasida munosib etakchi o‘rinni egallab turibdi.