Tarjima nazariyasi va amaliyoti: fransuz tili

Tarjima nazariyasi va amaliyoti: fransuz tili bakalavriat ta’lim yo‘nalishi fransuz tilidan va fransuz tiliga professional tarjima faoliyatini amalga oshirish, madaniyatlararo muloqotni ta’minlash hamda zamonaviy tarjima texnologiyalaridan samarali foydalanishga qodir yuqori malakali mutaxassislarni tayyorlashga yo‘naltirilgan. Ta’lim jarayonida fransuz tili grammatikasi, stilistikasi, tarjima nazariyasi va amaliyoti, og‘zaki va yozma tarjima, sinxron va ketma-ket tarjima asoslari, terminologiya, lingvomadaniyat, kompyuter yordamida tarjima texnologiyalari hamda xorijiy tillarni chuqur o‘rganish fanlari o‘qitiladi. Talabalar turli sohalarga oid matnlarni tarjima qilish, xalqaro muloqotda tarjimon sifatida faoliyat yuritish, rasmiy hujjatlar va ilmiy-texnik materiallarni tarjima qilish ko‘nikmalarini egallaydilar. Bitiruvchilar davlat va nodavlat tashkilotlari, xalqaro kompaniyalar, tarjima markazlari, ta’lim muassasalari, diplomatik vakolatxonalar, turizm tashkilotlari hamda ommaviy axborot vositalarida faoliyat yuritishlari mumkin.