Institutda urugʻlik kartoshka yetishtirish boʻyicha tadqiqotlarga start berildi

Samarqand agroinnovatsiyalar va tadqiqotlar instituti qoshida faoliyati tashkil etilgan “O‘zbekiston-Koreya kartoshka urug‘chiligi markazi”ning gidroponika usulida qurilgan zamonaviy issiqxonasida Koreyalik mutaxassislar bilan birgalikda dastlabki mikortuganaklar ekildi. Ushbu jarayonda institut rahbariyati hamda “O’simlikshunoslik va meva-sabzavotchilik” kafedrasi a’zolari hamda sohaga qiziquchi talaba-yoshlar ishtirok etishdi.
Dastlabki tadqiqotlarda respublikamizda keng tarqalgan 3 ta nav sinovdan oʻtkazilmoqda. Kelgusida ushbu markazda jadallashgan uslubda respublikamiz iqlim sharoitga mos navlarni yaratish va ularning sogʻlom yuqori sifatli urugʻlarini ishlab chiqish hamda sohada kadrlar salohiyatini oshirish borish rejalashtirilgan.