Buxoro davlat texnika universiteti

1.World University Rankings – 2024 xalqaro reytingida “reporter” maqomiga ega bo‘ldi.

2.2025-yilgi Osiyoning eng yaxshi universitetlari yangi reytingidan o‘rin oldi.

3. Yashil Barqarorlik ko'rsatkichini ta'minlashga intilgan universitetlarning global reytingida 858 o‘rinni egalladi.

Shuningdek, respublikada birinchilardan bo’lib, oliygohda “O‘zbekneftegaz” AJ hamkorligida ilg'or muhandislik maktabi tashkil etildi.

Universitetda xorijiy, ilmiy-innovatsion, ilmiy-amaliy loyihalar, tijoratlashtirish jarayoni ham samarali faoliyat olib bormoqda. Joriy yilda 10 dan ortiq Xalqaro ilmiy amaliy konferensiyalar tashkil etildi. Har yili 50 dan ziyod tadqiqotchilar dissertatsiya ishini himoya qiladi. Oliygohda 120 dan ortiq (Malayziya, Italiya, Turkiya, Germaniya, Rossiya, Belarussiya va boshqalar) oliy taʼlim muassaslari bilan hamkorlik shartnomalari imzolangan. Qoʼshma taʼlim dasturi asosida taʼlim oluvchi talabalar soni 212 tani tashkil etib, ular jahonning 10 dan ziyod oliy taʼlim muassasida tahsil olmoqda.

Buxoro davlat texnika universiteti chet ellik talabalar uchun nafaqat sifatli ta’lim, balki qulay va zamonaviy yashash hamda rivojlanish muhitini ham taqdim etmoqda. Universitetda zamonaviy jihozlangan auditoriyalar, innovatsion laboratoriyalar, elektron kutubxona va raqamli ta’lim platformalari talabalarning puxta bilim olishi uchun xizmat qilmoqda.

Xalqaro talabalar uchun qulay talabalar turar joylari, sport majmualari, madaniy-ma’rifiy tadbirlar hamda do‘stona muhit yaratilgan. Turli davlatlardan kelgan yoshlar bu yerda nafaqat ta’lim oladi, balki yangi do‘stlar orttirib, turli millat va madaniyat vakillari bilan tajriba almashish imkoniyatiga ega bo‘ladi.

Qadimiy Buxoroning boy tarixiy merosi va zamonaviy ta’lim imkoniyatlarini o‘zida mujassam etgan universitet xalqaro talabalar uchun haqiqiy imkoniyatlar maskaniga aylangan. Buxoro davlat texnika universiteti har bir talabaga o‘z salohiyatini ro‘yobga chiqarish, zamonaviy kasb egasi bo‘lish va xalqaro maydonda raqobatbardosh mutaxassis sifatida shakllanish uchun mustahkam poydevor yaratib bermoqda.

Xalqaro hamkorlik yangi bosqichda!

  Buxoro davlat texnika universiteti rektori — Sadoqat Siddiqova hamda Universiti Tun Hussein Onn Malaysia rahbariyati o‘rtasida muhim uchrashuv bo‘lib o‘tdi.

Uchrashuvda quyidagi yo‘nalishlar bo‘yicha kelishuvlarga erishildi:
🔹 Halol gastronomiya va turizm bo‘yicha ilg‘or markaz tashkil etish
🔹 Dron texnologiyalarini ishlab chiqish va ishlab chiqarish markazini yo‘lga qo‘yish

Hamkorlik doirasida ta’lim va ilmiy tadqiqotlarni xalqaro standartlar asosida rivojlantirish, qo‘shma loyihalar va ilmiy nashrlar, master-klasslar hamda zamonaviy laboratoriyalarni yo‘lga qo‘yish rejalashtirildi.

Batafsil: https://surl.li/ndfsnv
 

Germaniyaning Kalbax shahrida joylashgan DESOI GmbH kompaniyasi Buxoro davlat texnika universiteti bilan hamkorlikni yangi bosqichga olib chiqmoqda. Tashrif doirasida rektor Sadoqat Siddiqova bilan uchrashuv o‘tkazilib, qo‘shma loyihalar va zamonaviy texnologiyalarni ta’lim jarayoniga joriy etish bo‘yicha kelishuvlarga erishildi.

40 yillik tajribaga ega kompaniya qurilish va sanoat uchun innovatsion uskunalar ishlab chiqaradi. Hamkorlik doirasida kadrlar tayyorlash, ilmiy tadqiqotlar olib borish va ayniqsa madaniy meros obyektlarini restavratsiya qilish yo‘nalishida ishlar amalga oshiriladi. Bu esa Buxorodagi tarixiy obidalarni zamonaviy usullar bilan asrash va tiklashga xizmat qiladi.

Buxoro davlat texnika universitetida 120 dan ortiq (Malayziya, Italiya, Turkiya, Germaniya, Rossiya, Belarussiya va boshqalar) oliy ta'lim muassaslari bilan hamkorlik shartnomalari imzolangan. Qo’shma ta’lim dasturi asosida ta’lim oluvchi talabalar soni 212 tani tashkil etib, ular jahonning 10 dan ziyod oliy ta’lim muassasida tahsil  olmoqda.

30 ta neft-gaz, tekstil, energetika, mashinasozlik, axborot texnologiyalari va boshqa ishlab chiqarish sohasidagi korxonalar bilan hamkorlik qilib kelmoqda.

BuxDTU va O‘zbekiston–Yaponiya yoshlar innovatsiya markazi o‘rtasida ilmiy integratsiya yo‘lga qo‘yildi

   Buxoro davlat texnika universitetida O‘zbekiston–Yaponiya yoshlar innovatsiya markazi bilan muhim uchrashuv bo‘lib o‘tdi. Unda BuxDTU rektori Sadoqat Siddiqova, markaz direktori Saidmurod Niyazbekov, markaz mutaxassislari hamda yaponiyalik ekspert Yuki Yanagida ishtirok etdi.

   ✅Uchrashuv davomida markaz faoliyati, zamonaviy laboratoriyalar, yoshlar uchun yaratilgan imkoniyatlar va Yaponiya bilan amalga oshirilayotgan qo‘shma loyihalar taqdim etildi. Shuningdek vodorod energetikasini rivojlantirish istiqbollari muhokama qilindi.

  Tomonlar energetika, innovatsiyalar va texnologiyalar transferi yo‘nalishlarida istiqbolli hamkorlik masalalarini atroflicha muhokama qildilar. Uchrashuv yakunida Buxoro davlat texnika universiteti va O‘zbekiston–Yaponiya yoshlar innovatsiya markazi o‘rtasida hamkorlik memorandumi imzolandi.

Mazkur memorandum:

✅ikki tomonlama ilmiy-tadqiqot ishlarini muvofiqlashtirish,
✅talabalar va yosh olimlarning akademik mobilligini rivojlantirish,
✅qo‘shma innovatsion va amaliy loyihalarni amalga oshirish
✅yo‘nalishlarida hamkorlikni yangi bosqichga olib chiqadi.

BDTU va LAVART kompaniyasi hamkorlik memorandumi imzoladi

Tashrifning ikkinchi qismida LAVART delegatsiyasi va Buxoro viloyati hokimligida hamkorlik memorandumi imzolandi.

Memorandum energetika infratuzilmasini rivojlantirish, ekologik toza issiqlik texnologiyalarini joriy etish, investitsiyaviy loyihalarni amalga oshirish hamda mahalliy mutaxassislar salohiyatini oshirishga qaratilgan.

Bu hamkorlik universitet va hudud uchun yangi bilim va investitsiya imkoniyatlarini ochadi.

Buxoro davlat texnika universitetida quyidagi tillar bo‘yicha sifatli va zamonaviy kurslar mavjud:

1. Ingliz tili – xalqaro kommunikatsiya, ishbilarmonlik, ta’lim va sayohat sohalarida foydalanish uchun. Kurslarimiz interaktiv metodlar, amaliy mashg‘ulotlar va til laboratoriyalari orqali talabalarni so‘zlashuv va yozma ko‘nikmalarini mukammal rivojlantirishga yo‘naltirilgan.
2. Rus tili – biznes, ilmiy va madaniy sohalarda samarali muloqot qilishni o‘rgatadi. Darslarimizda grammatika, lug‘at va amaliy suhbatlar muvozanatli tarzda olib boriladi.
3. Nemis tili – ilmiy, texnik, iqtisodiy va madaniy sohalarda keng imkoniyatlar yaratadi. Talabalarimiz nemis tilida fikr bildirish, matnlar tahlil qilish va muloqot qilish ko‘nikmalarini chuqur o‘zlashtiradilar.
4. Xitoy tili – global iqtisodiyot va biznes aloqalarida raqobatbardosh bo‘lish imkonini beradi. Kurslar madaniyat va til o‘rganishga yo‘naltirilgan bo‘lib, talabalarni samarali muloqot va yozuv ko‘nikmalariga ega qiladi.
5. Yapon tili – madaniyat, texnologiya va ilmiy sohalarda professional ko‘nikmalarni rivojlantiradi. Talabalarimiz interaktiv mashg‘ulotlar va amaliy dialoglar orqali tilni tabiiy va erkin o‘zlashtiradilar.

Bizning kurslarimizda:

• Har bir talaba uchun individual yondashuv mavjud.
• Amaliy mashg‘ulotlar va interaktiv treninglar orqali tilni tez va samarali egallash mumkin.
• Madaniy tadbirlar va film, adabiyot tahlillari orqali tilni jonli kontekstdan o‘rganish imkoniyati.
• Onlayn va oflayn formatdagi darslar mavjud, shuning uchun siz qulay va mos keladigan shaklda tilni o‘rganishingiz mumkin.

Sizni bilim va ko‘nikmalarni yangi bosqichga olib chiqadigan kurslarimizga taklif qilamiz!

Buxoro davlat texnika universiteti ta'lim sifati, yoshlarning intellektual, ijodiy, jismoniy va axloqiy jihatdan shakllanishi hamda rivojlanishi, bandlik va bo‘sh vaqtini mazmunli tashkil etish borasida namunali oliy ta’lim muassasi hisoblanadi.