Lingvistika: pashtu tili

Mazkur magistratura dasturi pashtu tilshunosligi sohasida ilmiy-pedagogik hamda amaliy faoliyat yurita oladigan yuqori malakali mutaxassislarni tayyorlashga qaratilgan. Talabalar pashtu tilining fonetik, leksik, grammatik va stilistik xususiyatlari, qiyosiy tilshunoslik, sotsiolingvistika, pragmatika, kognitiv lingvistika hamda zamonaviy lingvistik nazariyalarni chuqur o‘rganadilar.

Dastur davomida ilmiy tadqiqot metodologiyasi, akademik yozuv, elektron til korpuslari bilan ishlash, lingvistik ma'lumotlarni tahlil qilish va zamonaviy axborot-kommunikatsiya texnologiyalaridan foydalanish bo‘yicha amaliy ko‘nikmalar shakllantiriladi. Shuningdek, talabalar Afg‘oniston va Janubiy Osiyo mintaqasining til, madaniyat va madaniyatlararo kommunikatsiya masalalarini, ilmiy tarjima hamda zamonaviy til texnologiyalarini qo‘llash usullarini ham o‘zlashtiradilar.

Bitiruvchilar oliy ta'lim muassasalari, ilmiy-tadqiqot institutlari, tarjima markazlari, xalqaro tashkilotlar, davlat idoralari, ommaviy axborot vositalari hamda xalqaro ilmiy va ta'lim loyihalarida muvaffaqiyatli faoliyat yuritishlari mumkin.