Biznesni boshqarish (barqaror biznes)

60411300 – Biznesni boshqarish (tarmoqlar bo'yicha). Biznes jarayonlarini tashkil etish va boshqarish, strategik va operatsion menejment, marketing, moliyaviy boshqaruv va investitsiya tahlili, tadbirkorlik faoliyati asoslari, biznes-rejalashtirish, inson resurslarini boshqarish, logistika va sifat menejmenti hamda raqamli biznes texnologiyalarini egallash bilan bog'liq kasbiy sohalar majmuasini qamrab oladi. Bitiruvchilar sanoat, qishloq xo'jaligi, savdo, xizmat ko'rsatish va turizm sohasidagi davlat va nodavlat korxonalarida menejer va biznes-tahlilchi, kichik va o'rta biznes sub'ektlarida rahbar hamda tadbirkor, bank, sug'urta va konsalting tashkilotlarida mutaxassis, davlat boshqaruvi organlari va tadbirkorlikni qo'llab-quvvatlash tuzilmalarida xodim, shuningdek oliy ta'lim muassasalari va ilmiy-tadqiqot markazlarida faoliyat olib borish imkoniyatiga ega bo'ladi.