UrDU professori Umida Baltayeva Xalqaro Matematika Ittifoqi qo‘mitasiga a'zo bo‘ldi

Urganch davlat universiteti professori va Xorazm Ma'mun akademiyasi bosh ilmiy xodimi Umida Baltayeva Xalqaro Matematika Ittifoqi (IMU)ning Rivojlanayotgan davlatlar qo‘mitasi (Committee for Developing Countries) a'zoligiga saylandi. Ushbu qaror AQShning Nyu-York shahrida o‘tkazilgan IMU Bosh Assambleyasining yig‘ilishida qabul qilindi. Bu natija O‘zbekiston matematika fani va UrDU ilmiy salohiyatining xalqaro miqyosdagi yuksak e'tirofi bo‘ldi. Universitet jamoasi Umida Baltayevani ushbu muvaffaqiyat bilan samimiy muborakbod etdi.