11 IyunIyunIyun 2026
14 ko'rishlar
UrDU va Saragosa universiteti o‘rtasida hamkorlik shartnomasi imzolandi
Madridda o‘tayotgan O‘zbekiston–Ispaniya rektorlar forumi doirasida Urganch davlat universiteti va Saragosa universiteti akademik hamkorlik bo‘yicha kelishuvga erishdilar.
Ispaniyaning Madrid shahrida o‘tayotgan O‘zbekiston va Ispaniya OTMlari rektorlari forumi doirasida Urganch davlat universiteti rektori Feruza Madrahimova va Saragosa universiteti rahbariyati o‘rtasida rasmiy muzokaralar bo‘lib o‘tdi. Uchrashuv yakunida ikki oliy ta’lim muassasasi o‘rtasida o‘zaro hamkorlik shartnomasi imzolandi. Mazkur hujjat akademik va ilmiy dasturlarni yo‘lga qo‘yish, talaba va o‘qituvchilar uchun qisqa muddatli stajirovkalar tashkil etish, o‘zaro ma’ruzalar o‘qish hamda seminar va mahorat darslarini o‘tkazishni nazarda tutadi.
