Toshkentda V Xalqaro investitsiya forumi boshlandi

16–18-iyun kunlari bo‘lib o‘tadigan forum mamlakatimiz iqtisodiyotiga xorijiy investitsiyalarni jalb qilish, xalqaro hamkorlikni kengaytirish hamda istiqbolli investitsiya loyihalarini shakllantirish bo‘yicha muhim xalqaro maydon hisoblanadi.

Mazkur forumda investorlar, xalqaro moliya institutlari, donor tashkilotlar, universitetlar va kompaniyalar vakillari ishtirok etmoqda.
 

Navoiy viloyati hokimi Normat Tursunov boshchiligidagi delegatsiya tarkibida Navoiy davlat universiteti rektori, professor Muxiddin Kalonov hamda oliygoh Transformatsiya va xorijiy reytinglar bilan ishlash markazi direktori X. Allayev mazkur xalqaro tadbirda ishtirok etib, hamkorlar bilan muzokaralar olib borish, ta’lim, ilm-fan, innovatsiyalar va infratuzilmani rivojlantirish hamda grant mablag‘larini jalb etishga qaratilgan aniq loyihalar va tashabbuslarni ilgari surishi rejalashtirilgan.