21 MayMayMay 2026
15 ko'rishlar
Jizzax viloyati rasmiy delegatsiyasining Xitoyga amaliy tashrifi davom etmoqda
Delegatsiya tarkibida JDPU rektori Maksudjan Yuldashev ham ishtirok etmoqda. Muzokaralarda investitsiyaviy hamkorlikni kengaytirish, qo‘shma loyihalarni amalga oshirish va zamonaviy tajribalarni joriy etish masalalari muhokama qilinmoqda.
21-may kuni Sian shahrida bo‘lib o‘tgan III O‘zbekiston–Xitoy hududlararo hamkorlik forumi doirasida JDPU, Sian International Studies University hamda Beijing Financial Street Education Investment tashkiloti o‘rtasida uch tomonlama hamkorlik shartnomasi imzolandi.
Hamkorlik doirasida universitetda xitoy tili va madaniyati markazini tashkil etish, qo‘shma ta’lim dasturlarini yo‘lga qo‘yish hamda Xitoy korxonalari uchun tayyorlov kurslarini tashkil etish nazarda tutilgan.
