Germaniyaning Münster universiteti talabalari UrDUda amaliyotni muvaffaqiyatli yakunladilar
Erasmus+ dasturi doirasida germaniyalik talabalar UrDUda bir oy davomida nemis tili mashg‘ulotlari o‘tdilar va maxsus muloqot klubini tashkil etishdi.
6-mart kuni Urganch davlat universiteti Xorijiy filologiya fakultetida Germaniyaning Münster universitetidan tashrif buyurgan amaliyotchi talabalarning faoliyatiga bag‘ishlangan seminar bo‘lib o‘tdi. Unda Münster universiteti talabalari Anna Eyfert va Britta Desman Erasmus+ dasturi doirasida o‘tagan bir oylik amaliyotlari yuzasidan hisobot berdilar.
Amaliyot davomida germaniyalik talabalar quyidagi ishlarni amalga oshirdilar:
-
Fakultet talabalari uchun nemis tili va madaniyati bo‘yicha darslar o‘tdilar;
-
Talabalarning nutq ko‘nikmalarini rivojlantirish maqsadida “German speaking club” muloqot klubini tashkil etishdi;
-
Roman-german filologiyasi kafedrasi professor-o‘qituvchilarining darslarini kuzatib, o‘zaro tajriba almashdilar.
Seminarda SES tashkiloti eksperti hamda kafedra jamoasi ishtirok etib, ushbu xalqaro amaliyot talabalarning til o‘rganishga bo‘lgan qiziqishini oshirishda muhim ahamiyat kasb etganini ta’kidladilar.
