UDEA’da Respublika Ilmiy-Amaliy Anjumani!
Raqamli texnologiyalar davrida milliy iqtisodiyotni rivojlantirish nafaqat texnik jarayon, balki ilm-fan va amaliyotning o‘zaro hamkorligini talab qiladigan strategik vazifadir. Universitetimiz mazkur yo‘nalishdagi dolzarb masalalarni tahlil qilish va innovatsion yechimlarni ilgari surish maqsadida respublika miqyosidagi ilmiy-amaliy anjumanni e’lon qiladi
2026-yil 23-aprel kuni bo‘lib o‘tadigan mazkur nufuzli tadbir “Milliy iqtisodiyotni rivojlantirishda raqamli texnologiyalardan foydalanish masalalari” mavzusiga bag‘ishlanadi.
Anjuman doirasida quyidagi yo‘nalishlar muhokama qilinadi:
-Raqamli moliya va FinTech
-Sun’iy intellekt (AI) va ma’lumotlar tahlili
-Bank tizimi transformatsiyasi
-Davlat boshqaruvida raqamlashtirish
-Innovatsion iqtisodiyot va barqaror rivojlanish
Ushbu tadbir nafaqat nazariy tadqiqotlar taqdimoti, balki tajribali olimlar, soha amaliyotchilari va yosh tadqiqotchilar uchun o‘zaro fikr almashish hamda hamkorlik aloqalarini o‘rnatish maydoniga aylanadi. Ishtirokchilarning qulayligini ko‘zlagan holda, anjuman gibrid formatda (onlayn va oflayn) tashkil etiladi, bu esa barcha hududlardagi qiziquvchilar uchun teng imkoniyatlar yaratadi.
Ilmiy ishlarni qabul qilish jarayoni 23-fevraldan boshlanib, 1-aprelga qadar davom etadi. Ishtirok etish istagida bo‘lganlar o‘z maqolalarini conference.udea.uz portali orqali yuborishlari mumkin. Maqolalarni rasmiylashtirish bo‘yicha qo‘yilgan texnik talablar va qo‘shimcha ma’lumotlar bilan maxsus havola orqali batafsil tanishish imkoniyati mavjud.
