Buxoro davlat universiteti Tarix va yuridik fakultetiga Shvetsiyaning nufuzli oliy ta’lim muassasalaridan biri — Lund universiteti Huquq sotsiologiyasi kafedrasi mudiri, professor Anna Lundberg tashrif buyurdi.

Mazkur tashrif doirasida ilmiy hamkorlik masalalari, huquq sotsiologiyasi sohasidagi zamonaviy tadqiqotlar, xalqaro tajriba almashinuvi hamda kelgusida amalga oshiriladigan qo‘shma loyihalar muhokama qilindi. Uchrashuv samimiy va konstruktiv ruhda o‘tdi. Bu hamkorlik ikki oliy ta’lim muassasasi o‘rtasidagi aloqalarini yanada mustahkamlashga xizmat qiladi. Ushbu tashrif fakultetimizning xalqaro nufuzini oshirish, professor-o‘qituvchilar va talabalar uchun yangi ilmiy imkoniyatlar yaratishda muhim ahamiyat kasb etadi.