Hamkorlik amalda: Yonsei University professorlarining PTUga tashrifi
Yonsei University professorlari Pharmaceutical Technical University (PTU)ga navbatdagi rasmiy tashrifi. Mazkur tashrif xalqaro akademik hamkorlikni yanada rivojlantirish, ta’lim va ilm-fan sohasida yangi imkoniyatlarni yaratishga qaratilgan muhim uchrashuvlardan biri bo‘ldi.
Uchrashuv davomida ta’lim sifatini oshirish, ilmiy tadqiqotlar ko‘lamini kengaytirish hamda talabalar uchun zamonaviy amaliy ta’lim muhitini shakllantirishga oid qator strategik masalalar muhokama qilindi.
Tomonlar oliy ta’limdagi zamonaviy yondashuvlar, innovatsion o‘qitish metodikalari va xalqaro standartlarni o‘quv dasturlariga integratsiya qilish bo‘yicha o‘zaro tajriba almashdilar.
📌 Muhokama qilingan asosiy yo‘nalishlar:
• O‘quv dasturlarini xalqaro standartlar asosida rivojlantirish va modernizatsiya qilish
• Qo‘shma ilmiy tadqiqot loyihalari va akademik hamkorlikni kengaytirish
• Laboratoriya infratuzilmasini takomillashtirish va amaliy mashg‘ulotlar sifatini oshirish
• Talabalar va professor-o‘qituvchilar almashinuv dasturlarini yo‘lga qo‘yish imkoniyatlari
• Farmatsevtika va tibbiyot ta’limi yo‘nalishida istiqbolli hamkorlik tashabbuslari
Tashrif davomida delegatsiya universitet laboratoriyalari va o‘quv infratuzilmalari bilan ham yaqindan tanishdi. Zamonaviy texnologiyalarni joriy etish hamda talabalar va yosh tadqiqotchilar uchun innovatsion ilmiy muhit yaratish masalalariga alohida e’tibor qaratildi.
Mazkur tashrif PTU va Yonsei University o‘rtasidagi hamkorlik tobora mustahkamlanib borayotganini yana bir bor namoyon etdi. PTU xalqaro hamkorliklarni faol kengaytirish orqali talabalar uchun sifatli ta’lim, xalqaro tajriba va ilmiy izlanishlar olib borish imkoniyatlarini yaratishda davom etmoqda.
