20 MartMartMart 2025
108 ko'rishlar
Aniq va tabiiy fanlar fakultetida Navro‘z bayrami nishonlandi.
Yangilanish va yasharish ramzi bo‘lmish Navro‘z umumxalq bayrami munosabati bilan bugun Aniq va tabiiy fanlar fakultetida ko‘tarinki ruhda bayram tadbiri o‘tkazildi. Tadbirda fakultet professor-o‘qituvchilari, talaba-yoshlar ishtirok etishdi.
Bayram dasturi milliy urf-odat va anʼanalarimizni aks ettiruvchi rang-barang chiqishlarga boy bo‘ldi. Talabalar tomonidan sahnalashtirilgan tomoshalar, sho‘x kuy-qo‘shiqlar barchaga bayram kayfiyatini ulashdi.
Tadbirda so‘z olgan ustoz va murabbiylar Navro‘zning qadimiy tarixiy ildizlari, uning tinchlik, mehr-oqibat va bag‘rikenglik kabi fazilatlarni targ‘ib etuvchi bayram ekanini ta’kidladilar.
