Geologiya fanlari universiteti

Geologiya fanlari universiteti (GFU) 2020 y. 8 iyundagi №PQ-4740-sonli O‘zbekiston Respublikasi Prezidentining Qaroriga binoan tashkil topgan.

№PQ-4740-sonli 2020 y. 8 iyundagi O‘zbekiston Respublikasi Prezidentining Qaroriga muvofiq GFU quyidagi maqsadlarda tashkil etilgan:
- geologiya sohasi mutaxassislarini tayyorlash, qayta tayyorlash va ularning malakasini oshirish tizimining zamonaviy talablariga moslashishtirish;
- geologiya sohasida taʼlim, fan va amaliyotning organik aloqasini kerakli darajada taʼminlash, Yer haqidagi fanlarni, xususan ularning fundamental yo‘nalishlarini amaliyot bilan real integratsiyasi uchun sharoit yaratish;
- tabiiy fanlar bilim sohasidagi ilmiy ishlanmalarni tijoratlashtirishning aniq mezonlari va samarali mexanizmlarini joriy etish;
- kadrlar tayyorlash tizimida moddiy rag‘batlantirish mexanizmlarini yaratish bilan vijdonan va yuqori malakali ishchilarni oliy o‘quv yurtlariga jalb qilish.
GFU - bu geologiya sohasida malakali kadrlar tayyorlash uchun respublikaning davlat geologiya qo‘mitasi, tog‘-kon sanoati korxonalari va iqtisodiyotning boshqa tarmoqlari uchun ilmiy-tadqiqot ishlarini olib boradigan ixtisoslashtirilgan oliy o‘quv yurti va ilmiy-tadqiqot muassasasidir.

H.M. Abdullayev nomidagi Geologiya va geofizika instituti, Mineral resurslar instituti, Gidrogeologiya va muhandislik geologiyasi instituti, Neft-gaz konlari geologiyasi va qidiruvi instituti, Geologiya sohasi kadrlari malakasini oshirish va qayta tayyorlash instituti hamda Davlat geologiya muzeyi Universitet tarkibiga kiradi.
2021-yil yanvar oyida Toshkent shahridagi Olimlar shaxarchasida joylashgan Universitet kampusi qurilishi yakunlandi. Talabalar shaharchasida piyoda masofada o‘quv binosi, yotoqxonalar, kutubxonalar, shuningdek, ilmiy-tadqiqot institutining yuqori qavati oshxonadan iborat.
Universitet geologiya tadqiqotlari, yer osti boyliklaridan oqilona foydalanish va ularni muhofaza qilish sohasidagi ilmiy-tadqiqot va tajriba-konstruktorlik ishlarini yana-da rivojlantirish bo‘yicha samarali faoliyatni yo‘lga qo‘ygan holda ilg‘or ilmiy-texnik baza bo‘lgan Geo-Innovatsion texnologiyalar markazini tashkil etdi. Bu yerda mineral xom ashyoni o‘rganishning eng ilg‘or uslublari va texnologiyalariga ega bo‘lgan malakali kadrlarning yangi avlodi shakllanadi va kelajakda mineral resurslardan foydalanish va materiallarning ko‘payishiga hurmat madaniyatini shakllantirishga qaratilgan ixtirochilik g‘oyalari va loyihalarini shakllantirish uchun noyob tadqiqot maydonchasi, ijodiy izlanish va yangilik muhiti yaratiladi.

Mavjud stipendiyalar

Bizda alohida xorijiy talabalar uchun stipendiyalarimiz mavjud emas,universitening quyidagi stipendiyalari xorijiy talabalar uchun ham amal qiladi:

-H.M.Abdullayev stipendiyasi

-Akademik I.X.Xamrabayev nomidagi stipendiya

Viza olish tartiblari

-Xorijiy talabalar uchun universitet va talaba o'rtasida shartnoma tuzuladi,shartnoma imzolangandan so'ng universitet shartnomani talabaga beradi,talaba shartnomani o'z mamlakatidagi viza markaziga taqdim etadi va asosida viza 1yillik yoki ko'p yillik beriladi,talaba o'qishga qabul qilinganidan so'ng hemis dasturidan shartnoma yangilab qo'yiladi

Yo'riqnomalar

O‘zbekiston Respublikasida xorijiy fuqarolarni ta’lim muassasalariga o‘qishga qabul qilish:

a) O‘zbekiston Respublikasining xalqaro shartnomalari;

b) O‘zbekiston Respublikasi Oliy va o‘rta maxsus ta’lim vazirligi va Xalq ta’limi vazirligi tomonidan belgilangan tartibda dastlabki ekspertizadan va ro‘yxatdan o‘tkaziladigan jamoaviy va shaxsiy shartnomalar hamda kontraktlar (shu jumladan, kelish maqsadlaridan qat’i nazar respublikaga haqiqiy vizalar bo‘yicha kelgan xorijiy fuqarolar bilan tuzilgan) asosida amalga oshiriladi.

Xorijiy fuqarolar xohishlariga ko‘ra:

-umumiy o‘rta ma’lumot;

-o‘rta maxsus, kasb-hunar ta’limi;

-oliy ma’lumot;

-oliy ta’lim muassasasidan keyingi ta’lim olishlari mumkin.

Xorijiy fuqarolar O‘zbekiston Respublikasi ta’lim muassasalariga to‘lov-kontrakt asosida hamda, agar qonunchilik yoki O‘zbekiston Respublikasining xalqaro shartnomalarida boshqacha tartib nazarda tutilmagan bo‘lsa, O‘zbekiston Respublikasi fuqarolari uchun belgilangan tartibda qabul qilinadi.

O‘zbekiston Respublikasi ta’lim muassasalarida to‘lov-kontrakt asosida o‘qish qiymati O‘zbekiston Respublikasi Moliya vazirligi va ta’lim muassasalariga ega bo‘lgan boshqa vazirliklar va idoralar bilan kelishgan holda Oliy va o‘rta maxsus ta’lim vazirligining taklifi asosida O‘zbekiston Respublikasi ta’lim muassasalariga qabul qilish bo‘yicha Davlat komissiyasi tomonidan belgilanadi.

O‘rta maxsus, kasb-hunar ta’limi muassasalariga umumiy o‘rta ta’lim ma’lumotiga muvofiq bo‘lgan ma’lumotga ega bo‘lgan xorijiy fuqarolar qabul qilinadi.

Oliy ta’lim muassasalariga umumiy o‘rta yoki o‘rta maxsus, kasb-hunar ta’limi ma’lumotiga muvofiq bo‘lgan ma’lumotga ega xorijiy fuqarolar qabul qilinishi mumkin.

Xorijiy fuqarolar oliy ta’lim muassasalari bakalavriatiga oliy ta’lim muassasasi tomonidan belgilanadigan tartibda o‘tkaziladigan suhbat natijasiga ko‘ra qabul qilinadi.

Belgilangan tartibda taqdim etilgan suhbat natijalari O‘zbekiston Respublikasi ta’lim muassasalariga qabul qilish bo‘yicha davlat komissiyasi tomonidan ko‘rib chiqiladi hamda O‘zbekiston Respublikasi Oliy va o‘rta maxsus ta’lim vazirligining xorijiy fuqarolarni oliy ta’lim muassasasiga o‘qishga qabul qilish yuzasidan qaror qabul qilishi uchun asos hisoblanadi. O‘zbekiston Respublikasi oliy va o‘rta maxsus ta’lim vazirining buyrug‘i asosida oliy ta’lim muassasalari rahbarlari o‘qishga qabul qilish to‘g‘risida tegishli buyruq chiqaradilar.

O‘zbekiston Respublikasining tayanch doktoranturasi va doktoranturasiga oliy ma’lumotga muvofiq bo‘lgan ma’lumotga ega bo‘lgan xorijiy fuqarolar qabul qilinishi mumkin.

Aspiranturaga kiruvchi xorijiy fuqarolar O‘zbekiston Respublikasida belgilangan talablarga muvofiq tayyorlangan referat yoki e’lon qilingan ishlarining rasmiy ravishda tasdiqlangan ro‘yxatini taqdim etishlari kerak.

O‘zbekiston Respublikasi Ichki ishlar vazirligi O‘zbekiston Respublikasi Oliy va o‘rta maxsus ta’lim vazirligi buyurtmanomasiga binoan, belgilangan tartibda xorijiy fuqarolarga vizalar berish va ularning muddatini uzaytirish, shuningdek ularning vaqtincha turgan joyi bo‘yicha ro‘yxatga olishni va uning muddatini uzaytirishni ta’minlaydi.

O‘qishni tugatgandan keyin xorijiy fuqarolarga ma’lumoti to‘g‘risida belgilangan namunadagi tegishli hujjatlar beriladi.

Xorijiy fuqarolar o‘qish davrida ushbu Nizomning 6-bandida ko‘rsatilgan shartnomalar va kontraktlarda nazarda tutilgan hollarda O‘zbekiston Respublikasiga oila a’zolari va boshqa qarindoshlari bilan kelishlari mumkin.

O‘qish uchun kelgan xorijiy fuqarolar tibbiy tekshiruvdan o‘tadilar. Tibbiy tekshiruvdan o‘tish tartibi va mavjudligi aniqlangan taqdirda O‘zbekiston Respublikasi ta’lim muassasalariga o‘qishga qabul qilish uchun ruxsat berilmaydigan kasalliklar ro‘yxati O‘zbekiston Respublikasi Sog‘liqni saqlash vazirligi tomonidan belgilanadi.

Geologiya Fanlar Universitetida
-18ta Markaz va bo'limlar
-2ta Fakultet va 1ta qo'shma ta'lim markazi
-Kutubxona
-10ta Kafedra
-10dan ortiq yo'nalish bo'yicha ta'lim olishingiz mumkin
-400 nafar talabaga mo'ljallangan talabalar turar joyi mavjud

                                            Yotoqxona

                                                  Kutubxona

Geologiya fanlari universiteti (GFU) O'zbekiston Respublikasining geologiya, geofizika, geoekologiya va boshqa tegishli fanlar sohasidagi yetakchi ilmiy-ta'lim markazlaridan biri hisoblanadi. GFU 2020-yilda O'zbekiston Respublikasi Prezidenti Sh.M. Mirziyoyevning qaroriga muvofiq O'zbekiston geologiya tarmog'ida kadrlar tayyorlash sifatini oshirish va ilmiy tadqiqotlarni rivojlantirish maqsadida ixtisoslashtirilgan ilmiy-tadqiqot institutlari asosida tashkil etilgan.

GFU jahonning yetakchi muassasalari bilan xalqaro ilmiy va ta'lim hamkorligida faol ishtirok etib, O'zbekistonning iqtisodiy, ta'lim va ilmiy-texnikaviy rivojlanishi manfaatlari yo'lida qo'shma loyihalarni amalga oshirmoqda.

Geologiya fanlari universiteti tashkil etilgan kunidan boshlab, 23 ta jahonning yetakchi universitetlari va 6 ta ilmiy markazlar bilan hamkorlik shartnomalari va o'zaro anglashuv memorandumlarini tuzdi, jumladan:
 

Hamkorlik doirasida GFU Rossiya, Belorussiya, Qozog'iston va Qirg'izistonning hamkor universitetlari bilan qo'shma ta'lim dasturlarini (QTD) joriy etgan.

Ushbu dasturlardan biri M. V. Lomonosov nomidagi Moskva davlat universiteti (MDU) bilan bakalavriat talabalari uchun ikki diplomlik 2+2 QTD joriy etdi. Ushbu dasturga asosan, talabalar ikki yil davomida GFUda va ikki yil davomida MDUda ta’lim olishadi va oliygohlarni tamomlagach, talabalar tanlangan mutaxassislik bo'yicha ikkita oliy ma'lumot diplomiga ega bo'ladilar.

Yana bir dastur – Tomsk davlat milliy tadqiqot universiteti (TDU) bilan magistrantlar mutaxassisligi bo’yicha ikki diplomlik 1+1 QTD bo'lib, unga asosan talabalar TDUda bir yil va GFUda bir yil davomida ta’lim olishadi. Shuningdek, 2024-2025 o'quv yilidan boshlab Belarus milliy texnika universiteti bilan ikki diplomlik 1+1 QTD joriy etish rejalashtirilgan.

Bunday qo'shma ta'lim dasturlari geologiya sohasida mutaxassislarni tayyorlash sifatini oshirishga, GFU va jahonning yetakchi universitetlari o'rtasidagi ilmiy va madaniy aloqalarni kengaytirish, shuningdek, mintaqadagi integratsiya jarayonlarini mustahkamlashga yordam beradi.

Shu qatorda, GFU Rossiya, Belarus va Qirg'izistonning hamkor universitetlari bilan professor-o'qituvchilar tarkibining akademik harakatchanlik dasturini amalga oshiradi. Ushbu dastur GFU o'qituvchilariga o'z malakalarini oshirish, tajriba va bilim almashish, qo'shma ilmiy tadqiqotlar va nashrlarda ishtirok etish va talabalarni xalqaro hamkorlikka jalb qilish imkonini beradi.

Bugungi kunda GFUda TDUdan 4 nafar o'qituvchi va Qozon federal universitetidan bitta o'qituvchi masofaviy tarzda, geologiya va mineralogiya bilan bog'liq turli fanlar bo'yicha ma'ruzalar o'qiydilar. Shuningdek, Koreya Respublikasidan doktor KIM Sahng Yup “Mineralogiya, petrografiya va geokimyo” kafedrasiga, shuningdek, M. M. Adishev nomidagi O‘sh davlat texnika universitetidan (O‘shTU) “Foydali qazilmalar konlari geologiyasi” kafedrasiga jalb qilingan. Ular 4-bosqich va magistratura talabalari uchun ma'ruzalar o'tkazadi hamda o'quv dasturlari va metodik qo'llanmalarni ishlab chiqishda ishtirok etadilar.

Xulosa qilib aytishimiz mumkin-ki, GFU geologiyaning turli sohalarida yetakchi universitetlar bilan samarali hamkorlikni faol rivojlantirmoqda. Ushbu hamkorlik fan va ta’lim sohasida zamonaviy talablar va muammolarga javob beradi, shuningdek, geologiya sohasi va jamiyat oldida turgan dolzarb muammolarni hal qilishga yordam beradi.

O'zbek tili va Ingliz tili kurslari mavjud

1