Toshkent iqtisodiyot va pedagogika universiteti

Toshkent iqtisodiyot va pedagogika universiteti 2022-yilda Toshkent viloyati Chirchiq shahrida tashkil etilgan. Litsenziya raqami L-4409374. Universitetda iqtisodiyot, kompyuter injiniring, ona tili va adabiyot, xorijiy til va adabiyot, pedagogika va psixologiya, boshlang'ich ta'lim, maktabgacha ta'lim, tarix, jismoniy madaniyat fakultetlari va ular tarkibida 16 ta ta'lim yo‘nalishi va 3 ta 3 ta magistratura mutaxassislik mavjud.

Ilmiy dargohda yangi tadqiqotlarni e’lon qilish imkoniyatlari mavjud. Xususan, "Toshkent iqtisodiyot va pedagogika universiteti ilmiy-metodik jurnali" OAK ro‘yxatiga kiritilgan. Iqtidorli talabalar faoliyatini qo‘llab-quvvatlash maqsadida “Uyg’onish” talabalar gazetasi tashkil qilingan.

Universitetda tajribali professor-o‘qituvchilar dars beradi. Katta kutubxona va o‘quv zali mavjud. Internet bilan ishlash uchun kompyuterlashtirilgan xonalar mavjud. Universitet dunyoning 10 ga yaqin rivojlangan davlatlari bilan hamkorlik aloqalarini yo‘lga qo‘ygan. Rossiya, Turkiya, Qozog’iston, Chexiya, Ozarbayjon bilan samarali faoliyat olib boriladi. Rektor stipendiyasi va grantlar mavjud.

Bugungi kunda Germaniya, Tojikiston va Qozog‘iston davlatlaridan kelgan xorijiy talabalar universitetning iqtisodiyot hamda axborot texnologiyalari (IT) ta’lim yo‘nalishlarida tahsil olmoqda.

Universitet o‘z faoliyatini xalqaro miqyosda kengaytirish maqsadida joriy o‘quv yilida xorijiy talabalar sonini 300 nafarga yetkazishni rejalashtirmoqda.

Ushbu maqsadga erishish uchun universitet qator xorijiy tashkilotlar va ta’lim muassasalari bilan hamkorlik memorandumlarini imzolagan.

Xorijiy talabalar uchun qulay axborot muhitini yaratish maqsadida universitetning Instagram, Facebook va WhatsApp ijtimoiy tarmoqlarida rasmiy sahifalari faoliyat yuritmoqda.

Bugungi kunda Toshkent Iqtisodiyot va Pedagogika Universiteti xorijiy talabalarni keng jalb etish hamda xalqaro hamkorlikni rivojlantirish maqsadida ko‘plab xorijiy universitetlar va ta’lim agentliklari bilan hamkorlik memorandumlarini imzolagan.

Xususan, 2026-yilda bo‘lib o‘tgan Markaziy Osiyo – Yevropa Ittifoqi universitetlari kongressi doirasida Toshkent Iqtisodiyot va Pedagogika Universiteti delegatsiyasi tomonidan qator nufuzli xorijiy oliy ta’lim muassasalari bilan ikki tomonlama hamkorlik aloqalarini yo‘lga qo‘yish bo‘yicha muhim kelishuvlarga erishildi. Mazkur kelishuvlar akademik mobillik, talabalar almashinuvi, qo‘shma ilmiy tadqiqotlar, professor-o‘qituvchilar malakasini oshirish hamda boshqa istiqbolli hamkorlik yo‘nalishlarida hamkorlikni rivojlantirishni nazarda tutadi.

Universitetda ta'lim jarayonlari o‘zbek, rus va ingliz tillarida olib boriladi.