Samarqand davlat veterinariya meditsinasi, chorvachilik va biotexnologiyalar universiteti Toshkent filiali

Samarqand veterinariya meditsinasi institutining Toshkent filiali O‘zbekiston Respublikasi Vazirlar Mahkamasining 2019 yil 3 oktabrdagi 840-sonli qaroriga ko‘ra tashkil etilgan. 2020-2021 o‘quv yilidan o‘quv jarayoni boshlangan. O‘zbekiston Respublikasi Prezidentining 2022-yil 31-martdagi PQ-187-son qaroriga asosan, Samarqand davlat veterinariya meditsinasi, chorvachilik va biotexnologiyalar universitetining Toshkent filiali maqomi berildi. Filialda hozirgi kunda bakalavriat bo‘yicha bosqichida kunduzgi 9 ta, masofaviy ta'lim 2 ta, kechki ta’lim yo‘nalishlarida 5 ta, xususan, Veterinariya meditsinasi, Veterinariya sanitariya ekspertizasi, Veterinariya farmasevtikasi, Zooinjeneriya, Biotexnologiya, Agronomiya, Ekologiya va atrof-muhit muhofazasi, Iqtisodiyot, Buxgalteriya hisobi kabi yo‘nalishlarda, magistratura bosqichi bo‘yicha 13 ta yo‘nalishda talabalar ta’lim olishmoqda. Jami talabalar soni 2573 tani tashkil qiladi. Bundan tashqari 28 nafar tayanch doktorantlar va 50 nafar mustaqil izlanuvchilar o‘z ilmiy ishlari bilan shug‘illanmoqdalar. Oliygoh o‘z faoliyatini boshlaganiga oz fursat bo‘lgan bo‘lsada, hozirgi kunda ta’lim, ilmiy, xalqaro hamkorlik, sport sohalarida ko‘plab yutuqlariga erishib kelmoqda.

Samarqand davlat veterinariya meditsinasi, chorvachilik va biotexnologiyalar universiteti Toshkent filialida chet ellik talabalarning sifatli ta'lim olishi, qulay yashashi va ijtimoiy hayotga tez moslashishi uchun barcha zarur sharoitlar yaratilgan.

Filialda zamonaviy jihozlangan o‘quv auditoriyalari, laboratoriyalar, axborot-resurs markazi, kompyuter xonalari hamda yuqori tezlikdagi internet tarmog‘i talabalar ixtiyoriga taqdim etilgan. Chet ellik talabalar uchun malakali professor-o‘qituvchilar tomonidan zamonaviy pedagogik texnologiyalar asosida darslar olib boriladi.

Talabalarning bo‘sh vaqtlarini mazmunli tashkil etish maqsadida turli madaniy-ma'rifiy tadbirlar, sport musobaqalari, ilmiy seminarlar va to‘garaklar muntazam tashkil etiladi. Shuningdek, chet ellik talabalarning O‘zbekiston madaniyati, urf-odatlari va milliy qadriyatlari bilan yaqindan tanishishlari uchun turli ekskursiyalar va ma'naviy-ma'rifiy uchrashuvlar o‘tkazib boriladi.

Filial rahbariyati hamda mas'ul bo‘limlar chet ellik talabalarni o‘qish, yashash, huquqiy masalalar va hujjatlarni rasmiylashtirish jarayonlarida doimiy qo‘llab-quvvatlaydi. Talabalar uchun xavfsiz va qulay ta'lim muhiti yaratish filial faoliyatining ustuvor yo‘nalishlaridan biri hisoblanadi.

Samarqand davlat veterinariya meditsinasi, chorvachilik va biotexnologiyalar universiteti Toshkent filiali xalqaro hamkorlikni rivojlantirishga alohida e'tibor qaratib, xorijiy oliy ta'lim muassasalari, ilmiy-tadqiqot markazlari va xalqaro tashkilotlar bilan o‘zaro manfaatli aloqalarni kengaytirib bormoqda.

Filial tomonidan Latviya, Turkiya, Rossiya, Xitoy, Hindiston, Polsha, Qozog‘iston, Qirg'iz Respublikasi  va boshqa davlatlarning nufuzli oliy ta'lim muassasalari bilan hamkorlik aloqalari yo‘lga qo‘yilgan. Ushbu hamkorlik doirasida professor-o‘qituvchilar va talabalar almashinuvi, qo‘shma ilmiy tadqiqotlar, xalqaro konferensiyalar, seminarlar, malaka oshirish kurslari hamda akademik mobillik dasturlari muntazam amalga oshirilmoqda.

Samarqand davlat veterinariya meditsinasi, chorvachilik va biotexnologiyalar universiteti Toshkent filialida talabalar uchun ingliz tili va rus tili kurslari faoliyat yuritmoqda. Kurslar zamonaviy o‘qitish metodlari asosida tajribali ustozlar tomonidan olib boriladi. Darslar boshlang‘ich, o‘rta va yuqori darajadagi tinglovchilar uchun tashkil etilgan bo‘lib, til ko‘nikmalarini rivojlantirish, xalqaro va milliy sertifikat imtihonlariga tayyorlanish hamda kundalik muloqot ko‘nikmalarini mustahkamlashga qaratilgan.

Ilmiy-pedagogik kadrlar tayyorlash maqsadida 2021-yilda bo‘lim qoshida tayanch doktarantura ochilgan. Tayanch doktaranturada mahalliy mutaxassislar bilan bir qatorda xorijiy davlat tadqiqotchilari ham qabul qilinishi ko‘zda tutilgan.

2023 yilga kelib kelib tayanch doktarantlar soni 43 nafarga yetdi. Ularning orasida nafaqat mahalliy va millliy yo‘nalishda balki global darajadagi muammolar yuzasidan ham ilmiy mavzularda tadqiqotlar olib borilmoqda. Hozirda bo‘lim universitetning Ilmiy ishlar va innovatsiyalar bo‘yicha direktor o‘rinbosari tarkibida soha yo‘nalishlari bo‘yicha kadrlarini tayyorlash maqsadida faoliyat yuritadi.