IT Park University

{

IT Park University O‘zbekiston Respublikasi Raqamli texnologiyalar vazirligi huzuridagi IT Park hamda xalqaro IT-kompaniyasi EPAM hamkorligida tashkil etilgan. IT Park University O‘zbekistondagi birinchi universitet bo‘lib, gibrid ta’lim shaklini (asosan onlayn) taklif etadi. Universitetning kampusi Toshkent shahrida joylashgan bo‘lib, mamlakat bo‘ylab axborot texnologiyalari sohasida ta’lim olish imkoniyatini yaratadi.

Universitetimiz talabalarni mehnat bozorida talab yuqori bo‘lgan eng zamonaviy ish usullari va texnologiyalar bo‘yicha bilimlar bilan ta’minlashga qaratilgan. Biz innovatsion ta’lim usullarini, jumladan, onlayn ta’lim shaklini qo‘llaymiz, bu esa talabalarga o‘zlari uchun qulay vaqtda hamda mamlakatning istalgan hududidan turib tahsil olish imkonini beradi.

Bizning vazifamiz talabalarimizga axborot texnologiyalari sohasida yuqori sifatli ta’lim berish, ularning O‘zbekiston Respublikasi va undan tashqarida IT sanoati rivojiga munosib hissa qo‘shadigan hamda muvaffaqiyatli mutaxassis bo‘lib yetishishlariga ko‘maklashishdan iborat.

IT Park Universityda faoliyat yuritayotgan 25 nafar ilmiy xodimdan 5 nafari falsafa doktori (PhD), yana 2 nafari fan doktori (DSc) ilmiy darajasiga ega. Universitetda 11 nafar xorijiy professor faoliyat olib bormoqda.

}

{}

{}

{}