Innovatsion texnologiyalar universiteti

University of Innovation Technologies (UIT) Qoraqalpog‘iston Respublikasida faoliyat boshlagan ilk nodavlat oliy ta’lim muassasalaridan biri hisoblanadi. Universitet o‘z faoliyatini 2022-yil noyabr oyida tegishli litsenziya asosida boshlagan.

Bugungi kunda universitetda 200 nafardan ortiq professor-o‘qituvchilar 8 mingdan ziyod talaba va yoshlarga zamonaviy bilim va ko‘nikmalar berib kelmoqda. Ta’lim jarayoni kunduzgi va sirtqi shakllarda tashkil etilgan bo‘lib, innovatsion pedagogik yondashuvlar hamda zamonaviy axborot-kommunikatsiya texnologiyalari asosida olib boriladi.

Universitet dunyoning yetakchi oliy ta’lim muassasalari bilan hamkorlik qilib, o‘quv jarayoniga xorijiy professor-o‘qituvchilarni keng jalb etmoqda. UITning asosiy maqsadi — innovatsion ta’lim tamoyillari asosida yuqori malakali, raqobatbardosh va zamonaviy bilimlarga ega mutaxassislarni tayyorlash hamda ularni jamiyat rivojiga samarali integratsiya qilishdan iborat.

Universitetda ta’lim jarayoni O‘zbekiston Respublikasining “Ta’lim to‘g‘risida”gi Qonuni, Davlat ta’lim standartlari va malakaviy talablar asosida tashkil etilgan. Auditoriyalar va ma’ruza zallari multimedia uskunalari, video va audio tizimlar, masofaviy ta’lim vositalari hamda zamonaviy axborot texnologiyalari bilan jihozlangan.

Shuningdek, kredit-modul tizimi va elektron ta’lim platformalari orqali barcha fanlar bo‘yicha o‘quv-uslubiy materiallardan foydalanish imkoniyati yaratilgan. Bu esa ta’lim sifatini xalqaro standartlar darajasida ta’minlashga xizmat qilmoqda.

Universitet yosh avlodni har tomonlama barkamol, intellektual salohiyatga ega va ijtimoiy mas’uliyatli shaxs sifatida tarbiyalashni ustuvor vazifalaridan biri deb biladi. Shu bilan birga, ta’lim tizimidagi islohot va yangilanishlarga mos ravishda o‘z faoliyatini doimiy ravishda takomillashtirib bormoqda.

Yutuqlar va xalqaro e’tirof

• 2024-yil oktabr oyida universitet Times Higher Education World University Rankings 2025 reytingida “Reporter” maqomini qo‘lga kiritdi.
• 2024-yil dekabr oyida UI GreenMetric World University Rankings 2024 reytingida munosib natijalarni qayd etdi.
• Hozirgi kunda universitet ushbu reytingda dunyoning 30 mingdan ortiq oliy ta’lim muassasalari orasida 1364-o‘rinni, O‘zbekistondagi 200 dan ortiq OTM orasida esa 50-o‘rinni egallab turibdi.
• 2024-yil yanvar oyidan boshlab professor-o‘qituvchilarga ilmiy unvonlar berish tizimi joriy etildi.
• 2024-yilda universitet tomonidan Nukus shahrida respublika miqyosidagi va Samarqand shahrida xalqaro ilmiy konferensiyalar tashkil etildi.
• Universitetning iqtidorli talabalari “Texno Ways” texnologik taraqqiyot marafonida innovatsion loyihalari bilan muvaffaqiyatli ishtirok etdilar.
• O‘zbekiston Respublikasi Oliy ta’lim, fan va innovatsiyalar vazirligining 2024-yil 11-dekabrdagi 464-son buyrug‘iga muvofiq universitetning 4 nafar talabasi davlat stipendiyasi sohibiga aylandi.

Universitet dunyoning 12 davlatidagi 21 ta oliy ta’lim muassasasi bilan samarali hamkorlik aloqalarini yo‘lga qo‘ygan.

Hozirgi vaqtda Innovatsion Texnologiyalar Universitetida zamonaviy va barcha qulayliklarga ega auditoriyalar tashkil etilgan bo‘lib, ular barcha o‘quv qo‘llanmalari va resurslar bilan ta’minlangan. Talabalar kutubxonalarda qo‘shimcha ilmiy va o‘quv resurslaridan foydalanish imkoniyatiga ega. Shuningdek, chet ellik talabalarni ham mamlakatimizdagi barcha talabalar qatori turar joy bilan ta’minlash tizimi yo‘lga qo‘yilgan. Universitetning 2 va 3 o‘rinli yotoqxonalari barcha zarur sharoitlarga ega holda foydalanishga topshirilgan. Yotoqxonalar zamonaviy axborot texnologiyalari bilan jihozlangan. Talabalarning ta’lim jarayonida yetarli bilim olishi uchun barcha sharoitlar yaratilgan.

«Universitetimiz xalqaro talabalar va global hamkorlar uchun zamonaviy, ochiq va innovatsion ta’lim muhitini taklif etadi.»
«Universitetimizning xalqaro faoliyati zamonaviy ta’lim talablari, global akademik standartlar va innovatsion yondashuvlar asosida tashkil etilgan bo‘lib, ta’lim va fan sohalarida xalqaro integratsiyani ta’minlashga qaratilgan. Ushbu yo‘nalish universitetning strategik rivojlanishida muhim o‘rin tutadi va uni global ta’lim makonining faol ishtirokchisi sifatida namoyon etadi.
Xalqaro sa’y-harakatlarimiz doirasida universitet Osiyo va Yevropaning nufuzli oliy ta’lim muassasalari bilan hamkorlik aloqalarini o‘rnatgan. Ushbu hamkorliklar talabalar va professor-o‘qituvchilarga o‘zaro bilim almashish, ilg‘or tajribalarni tatbiq etish, ilmiy tadqiqotlarni rivojlantirish hamda qo‘shma ta’lim dasturlarini amalga oshirish imkonini beradi

Innovatsion texnologiyalar universiteti 15 ta davlatdagi 25 ta oliy ta'lim muassasalari bilan hamkorlik aloqalarini yo‘lga qo‘ygan

Innovatsion texnologiyalar universiteti “Times Higher Education” xalqaro reyting agentligining “World University Rankings — 2025” (Jahon universitetlari reytingi — 2025) reytingida “Reporter” maqomiga ega bo‘ldi.

“Times Higher Education” xalqaro reyting agentligining “Asia University Rankings — 2025” (Osiyo universitetlari reytingi — 2025) reytingida Innovatsion texnologiyalar universiteti 601+ “Reporter” maqomiga ega bo‘ldi.

Ayni vaqtda Innovatsion texnologiyalar universiteti ushbu nufuzli jaxon reytingida dunyo bo‘yicha OTMlar ichida 1364-o‘rinda, O‘zbekistondagi 200 dan ortiq OTMlar ichida 50-o‘rinda bormoqda

“Creative Zone” to‘garagi faoliyati haqida

       “Creative Zone” to‘garagi o‘z faoliyatini 2023–2024 o‘quv yilidan boshlagan bo‘lib, talabalarning kommunikativ kompetensiyasini rivojlantirish, ingliz tilida erkin muloqot qilish, ijodiy va tanqidiy fikrlash ko‘nikmalarini shakllantirishga qaratilgan. To‘garak mashg‘ulotlari Filologiya kafedrasi professor-o‘qituvchilari rahbarligida muntazam ravishda tashkil etib kelinmoqda.

        Faoliyat davomida talabalar turli mavzulardagi munozaralar, taqdimotlar, esse va maqola yozish, hamda ijodiy topshiriqlarda faol ishtirok etib kelmoqda. Mashg‘ulotlar talabalarning nazariy bilimlarini amaliyot bilan mustahkamlash, mustaqil fikrlash va jamoada ishlash ko‘nikmalarini rivojlantirishga xizmat qilmoqda.

        2025–2026 o‘quv yilida to‘garak doirasida 10 ta mashg‘ulot o‘tkazildi. Yakuniy uchrashuvda yil davomida erishilgan natijalar sarhisob qilinib, faol ishtirok etgan talabalar taqdirlandi. Tadbirda Filologiya kafedrasi mudiri Olimjon Zaripov so‘zga chiqib, “Creative Zone” to‘garagi talabalarning ijodiy salohiyati va kommunikativ kompetensiyasini rivojlantirishda muhim o‘rin tutayotganini ta’kidladi. To‘garak kelgusida ham o‘z faoliyatini davom ettirib, talabalar uchun yangi imkoniyatlar yaratishga xizmat qiladi.