Vokal san’ati (turlari bo‘yicha)

Akademik xonandalik ijrochiligi fanining asosiy maqsadi - xonandalik bilan ishlashda ixtisoslik sinfining axamiyati katta bo‘lmog‘i kerak. Talabaning asarlarni mustaqil o‘rganish uchun jo‘rnavoz bilan hamkorlikda kerakli ko‘nikmalarni rivojlantirishida ushbu fanning o‘rni alohida ahamiyat kasb etadi. Akademik xonandalik ijrochiligi bilan ishlash fanini o‘zlashtirishdan kelib chiqadigan vazifalar - talabalar turli yo‘nalishlarda bilimlarga ega bo‘lganliklarini namoyish etishlaridan iboratdir. Alohida e’tibor professional darajani mukammallashtirishga, tovush apparatining texnik rivojiga, artistik mahoratini rivojlantirish va yuqori badiiy saviyada tarbiyalashga qaratilishi kerak. Mazkur fan yuzasidan talaba davr talabiga binoan dunyoqarashi keng bo‘lgan, ya’ni insoniyat madaniyati tarixi, rivojlanish pog‘onalari xususan, adabiyot va san’at sohasida teran fikr yuritish bilan birga, yangi paydo bo‘lgan kompyuterlar tizimidagi jahon musiqiy dasturlari yuzasidan ham tushuncha, tasavvur, bilim va ko‘nikmalarga ega bo‘lishi shart.