Transport vositalari muhandisligi

 Transport vositalari muhandisligi bakalavriat dasturi

  Mazkur ta'lim dasturi talabalarni zamonaviy transport vositalarini — avtomobillar, temir yo'l, dengiz va havo
  transporti texnikasini — loyihalash, ishlab chiqarish, sinovdan o'tkazish va texnik xizmat ko'rsatish bo'yicha
  mukammal muhandislik bilimlari bilan ta'minlaydi. Dastur an'anaviy ichki yonuv dvigatelli transport vositalari bilan
  bir qatorda gibrid va elektromobil texnologiyalarini ham qamrab oladi.

  Dastur maqsadlari

  Avtomobilsozlik va transport mashinasozlik sanoatida raqobatbardosh muhandis kadrlarni tayyorlash. Bitiruvchilar
  transport vositalarining konstruksiyasi, dinamikasi, ishonchliligi va ekspluatatsiyasi bo'yicha chuqur ilmiy va amaliy
   tayyorgarlikka ega bo'ladilar.

  Asosiy fanlar:

  • Nazariy va amaliy mexanika, materiallar qarshiligi
  • Ichki yonuv dvigatellari nazariyasi va konstruksiyasi
  • Transport vositalari konstruksiyasi va dinamikasi
  • Mashinasozlik materialshunosligi va texnologiyasi
  • Avtomobilsozlikda CAD/CAM tizimlari (AutoCAD, SolidWorks, CATIA)
  • Transport vositalari elektr va elektron tizimlari
  • Texnik diagnostika va xizmat ko'rsatish
  • Gibrid va elektromobil texnologiyalari
  • Transport vositalari ishonchliligi va xavfsizligi

  Egallaniladigan ko'nikmalar:

  • Transport vositalari uzellari va agregatlarini loyihalash
  • CAD dasturlari yordamida 3D modellashtirish va mustahkamlikni hisoblash
  • Zamonaviy diagnostika asboblari bilan ishlash (OBD-II, skanerlar)
  • Dvigatel va uzatma tizimlarini sinovdan o'tkazish
  • Transport vositalari elektron boshqaruv bloklarini (ECU) sozlash

  Karyera imkoniyatlari

  Bitiruvchilar avtomobilsozlik korxonalarida (UzAuto Motors, BYD Uzbekistan, Roodell va boshqalar)
  konstruktor-muhandis, ishlab chiqarish texnologi, sifat nazorati muhandisi, servis markazlari rahbari sifatida
  faoliyat yuritishlari mumkin. Shuningdek, transport vositalariga texnik xizmat ko'rsatish stansiyalarida, davlat
  texnik nazorat organlarida, ilmiy-tadqiqot institutlari va dilerlik markazlarida ish o'rinlari mavjud.

  Davomiyligi: 4,5 yil (Bakalavr) | Ta'lim shakli: Kechki | Ta'lim tili: O'zbek, Rus