Soliqlar va soliqqa tortish

Soliqlar va soliqqa tortish yo‘nalishi soliq tizimi, soliq siyosati, soliq qonunchiligi, byudjet munosabatlari hamda soliq ma’muriyatchiligi jarayonlarini chuqur o‘rganishga qaratilgan. Talabalar soliqlarni hisoblash, soliq hisobotlarini tayyorlash, moliyaviy nazorat, audit va fiskal tahlil bo‘yicha nazariy bilim va amaliy ko‘nikmalarga ega bo‘ladilar. Bitiruvchilar soliq organlari, moliya vazirligi tizimi, banklar, auditorlik va konsalting kompaniyalari, shuningdek, xususiy korxonalarning moliya bo‘limlarida faoliyat yuritish imkoniyatiga ega bo‘ladilar.