Dasturiy injiniring

 Dasturiy injiniring

  "Dasturiy injiniring" yo'nalishi zamonaviy raqamli iqtisodiyotning eng talab qilinadigan kasblaridan biri bo'lib,
  talabalarni murakkab dasturiy ta'minot tizimlarini loyihalashtirish, ishlab chiqish, sinash va joriy etish bo'yicha
  xalqaro standartlarga mos professional darajada tayyorlaydi. Kechki ta'lim shakli kunduzi IT-kompaniyalarda yoki
  boshqa sohalarda ishlayotgan talabalarga ish faoliyatini davom ettirgan holda kechki vaqtda nazariy va amaliy
  dasturlash bilimlarini o'zlashtirish imkonini beradi.

  Dastur maqsadlari

  Dasturiy ta'minotning to'liq hayot davrini — talablar tahlilidan tortib to arxitektura loyihasi, kod yozish, testlash
  va eksplutatsiyaga qadar — mustaqil boshqara oladigan yuqori malakali dastur muhandislarini tayyorlash. Bitiruvchilar
  zamonaviy ishlab chiqish metodologiyalari (Agile, Scrum, DevOps) bo'yicha amaliy tajribaga ega bo'ladilar.

  Asosiy o'quv fanlari:

  • Algoritmlar va ma'lumotlar tuzilmalari
  • Obyektga yo'naltirilgan dasturlash va loyihalash naqshlari (Design Patterns)
  • Dasturiy ta'minot arxitekturasi va tizimli tahlil
  • Veb-dasturlash (Frontend va Backend texnologiyalari)
  • Mobil ilovalarni ishlab chiqish (Android, iOS)
  • Ma'lumotlar bazalari va SQL/NoSQL tizimlari
  • Dasturiy ta'minotni testlash va sifatni boshqarish (QA)
  • DevOps, CI/CD va bulutli texnologiyalar

  Olinadigan ko'nikmalar:

  • Murakkab dasturiy ta'minot tizimlarining arxitekturasini loyihalashtirish
  • Zamonaviy dasturlash tillarida (Python, Java, JavaScript, C#) toza va samarali kod yozish
  • Avtomatlashtirilgan testlar va CI/CD quvurlarini sozlash
  • Git va jamoaviy ishlab chiqish vositalari bilan professional ishlash
  • Agile/Scrum metodologiyalari asosida loyihalarni boshqarish

  Kechki ta'lim shaklining afzalliklari

  Talabalar darslar bilan parallel ravishda kunduzi IT-kompaniyalarda Junior Developer, intern yoki QA Engineer sifatida
   ishlash imkoniyatiga ega bo'ladilar. Bu universitet auditoriyalaridagi nazariyani darrov real loyihalardagi amaliy
  vazifalar bilan bog'lash imkonini beradi. Natijada bitiruvchilar diplom olishi bilan birga bir necha yillik real ish
  stajiga va portfolioga ega bo'ladilar.

  Kasbiy istiqbollar

  Dastur bitiruvchilari xalqaro va mahalliy IT-kompaniyalarda quyidagi lavozimlarda muvaffaqiyatli faoliyat olib
  boradilar: dasturchi (Frontend, Backend, Full-stack), mobil ilovalar dasturchisi, dasturiy ta'minot arxitektori, QA
  muhandisi, DevOps muhandisi, jamoa rahbari (Team Lead), texnik direktor (CTO) va o'z startaplarini ishga tushiruvchi
  tadbirkor.

  Davomiyligi: 4,5 yil (bakalavriat) | Ta'lim shakli: Kechki | Soha: Kompyuter texnologiyalari va informatika