Yarim o‘tkazgichlar fizikasi

70530905 – Yarim o‘tkazgichlar fizikasi

Tavsif:
Ushbu ta’lim dasturi (magistratura bosqichi) orqali talabalar yarim o‘tkazgichli materiallar fizikasi, mikroelektronika va nanoelektronika elementlari, qattiq jismlar fizikasi hamda zamonaviy yarim o‘tkazgichli asboblarni tadqiq etishning nazariy va amaliy asoslari to‘g‘risidagi chuqur bilimlar asosida ilmiy-tadqiqot va innovatsion sohalarda faoliyat yuritish imkoniyatiga ega bo‘ladilar. Mazkur ta’lim yo‘nalishi yuqori texnologiyalar, elektronika sanoati va ilmiy-tadqiqot markazlari uchun yuqori malakali ilmiy-pedagogik kadrlar va mutaxassislarni tayyorlashga qaratilgan.

“Yarim o‘tkazgichlar fizikasi” ta’lim yo‘nalishi talabalari magistratura bosqichida qattiq jism fizikasi, yarim o‘tkazgichlarda o‘tish jarayonlari, optoelektronika, nanoelektronika va zamonaviy materialshunoslik kabi eng yangi va zarur bo‘lgan fanlarni o‘zlashtirish orqali chuqur ilmiy-amaliy ko‘nikmalarga ega bo‘ladilar.

Ushbu ta’lim yo‘nalishida (magistratura dasturiga muvofiq) 4 semestr (2 yil) davomida jami 120 kredit to‘plashingiz zarur bo‘ladi.