Filologiya va tillarni o‘qitish: Rus tili

Filologiya va tillarni o‘qitish: Rus tili ta’lim yo‘nalishi — rus tilini mukammal egallagan, zamonaviy pedagogik texnologiyalar asosida ta’lim bera oladigan hamda turli sohalarda samarali muloqot olib boradigan mutaxassislarni tayyorlashga qaratilgan yo‘nalishdir.

Ushbu yo‘nalishda talabalar rus tili grammatikasi, fonetikasi, leksikologiyasi, stilistikasi, rus adabiyoti, tarjima nazariyasi va amaliyoti hamda xorijiy tillarni o‘qitish metodikasini chuqur o‘rganadilar. Ta’lim jarayonida tinglab tushunish, o‘qish, yozish va og‘zaki nutq ko‘nikmalarini rivojlantirishga alohida e’tibor qaratiladi.
Nazariy bilimlar amaliy mashg‘ulotlar bilan uyg‘unlashtirilib, talabalarda ta’lim jarayonini samarali tashkil etish, zamonaviy axborot texnologiyalaridan foydalanish va rus tilini o‘qitish bo‘yicha kasbiy kompetensiyalar shakllantiriladi.