Farmatsiya (turlari bo‘yicha)

Farmatsiya (farmatsevtika ishi) - ta’lim yo‘nalishi - fan va sog‘liqni saqlash sohalariga tegishli yo‘nalish bo‘lib, farmatsevtika muassasasalari bo‘yicha dori vositalarini tayyorlash, sifatini baholash, standartlashtirish, saqlash, qadoqlash va bemorlarga berish, dori vositalari bo‘yicha axborot berish, dori vositalari va tibbiyot buyumlarining logistikasi kabi faoliyat turlarini tashkil qilish, kimyo-toksikologik ekspertizalar o‘tkazishga yo‘naltirilgan vositalar, jarayonlar, usullar va uslublarini qamrab oladi.
Bakalavrlarning kasbiy faoliyati quyidagilarni qamrab oladi:
–     turli mulkchilik shaklidagi dorixonalarda farmatsevt-texnolog, farmatsevt-analitik va farmatsevt-nazoratchi ishini tashkillashtirish;
–     farmatsevtik savdo korxonalari va omborxonalarida dori vositalarini qabul qilish, saqlash, qadoqlash va tarqatish;
–     kimyo-toksikologik ekspertizalar o‘tkazish jarayonida ishtirok etish.
Bakalavrlarning kasbiy faoliyatining turlari:
 - ilmiy-tadqiqot;
- ishlab chiqarish;
- tashkiliy-boshqaruv;
- foydalanish va servis hizmatini ko‘rsatish.
Bakalavr tayyorlanadigan kasbiy faoliyatning muayyan turlari ta’lim jarayonining manfaatdor ishtirokchilari bilan hamkorlikda oliy ta’lim tizimi tomonidan aniqlanadi.
Kasbiy moslashuv imkoniyatlari
Bakalavr pedagogik qayta tayyorlashdan o‘tgandan so‘ng o‘rta maxsus, kasb-hunar ta’limi muassasalarida maxsus fanlarni o‘qitishi mumkin.