Pedagogika

“ Pedagogika” ta'limi dasturi

Ushbu ta’lim yo‘nalishi bo‘yicha magistrlar tayyorlash milliy malaka ramkasi, kasb standartlari, kadrlar buyurtmachilari talab va ehtiyojlaridan kelib chiqib kunduzgi magistr ta’lim yo‘nalishlarida amalga oshiriladi. Mazkur magistr ta’lim yo‘nalishi bo‘yicha fan, texnika va ijtimoiy soha yutuqlarini hisobga olgan holda o‘quv reja va fan dasturlarini sifatli ishlab chiqish, samarali amalga oshirish va yangilash uchun mas’ul oliy ta’lim muassasalarining professor-o‘qituvchilari asosiy foydalanuvchilaridir. Barcha ta’lim shakllari  bo‘yicha o‘qitish kredit-modul tizimi asosida tashkil qilinadi. Kunduzgi ta’limda magistratura dasturining meyoriy muddati 2-yil. Bir o‘quv yili uchun magistratura ta’lim dasturining hajmi 60 kreditni tashkil etadi.

Mazkur ta’lim dasturida siz 4 semestr (2 yil) davomida jami: 120 kredit to‘plashingiz zarur bo‘ladi. Jumladan:

1. Majburiy fanlar: 840 soat 

2. Tanlov fanlar: 960 soat

3. Malakaviy amaliyot: 1800 soat 

Jami: 3 600 soat

Qo‘shimcha izohlar:

• 1 kredit 30 akademik soatni tashkil etadi.
• Nazariy va amaliy bog‘liqlikni ta’minlash uchun ilmiy amaliyotlar tashkilot va korxonalarda o‘tkaziladi.
• Talaba bilimini baholash kredit tizimiga muvofiq ishlab chiqilgan nizom asosida amalga oshiriladi.