Ona tili va adabiyoti: rus tili

70110801 – Ona tili va adabiyoti: rus tili magistratura mutaxassisligi tavsifi:

Mazkur magistratura mutaxassisligi rus tili va adabiyoti sohasida chuqurlashtirilgan nazariy bilim hamda ilmiy-tadqiqot ko'nikmalariga ega bo'lgan yuqori malakali mutaxassislar tayyorlashga qaratilgan. Magistratura ta'lim oluvchisi bir semestr davomida 30 kreditni, bir o'quv yili bo'yicha 60 kreditni to'plashi zarur. O'qish muddati 2 yil bo'lib, talaba dastur yakunlangunga qadar 120 kredit to'plashi kerak.

Talaba uchun bir ECTS kreditning soatlardagi miqdori 1 kredit 30 akademik soatni tashkil etadi va talabaning bir yillik o'quv yuklamasi 60 kredit 1800 akademik soatdan iborat bo'ladi.

70110801 – Ona tili va adabiyoti: rus tili magistratura mutaxassisligi bitiruvchilarining kasbiy faoliyat turlari:

• oliy ta'lim muassasalarida, umumiy o'rta, o'rta maxsus va professional ta'lim muassasalarida rus tili va adabiyoti fanlaridan o'rnatilgan tartibda dars berish;
• O'zbekiston Respublikasi Fanlar akademiyasi va tarmoq ilmiy-tadqiqot institutlarida, ilmiy markazlarda rus tili va adabiyoti sohasida ilmiy-tadqiqot faoliyatini olib borish;
• davlat boshqaruvi organlari, nashriyotlar, ommaviy axborot vositalari, tarjimonlik va tahririyat faoliyati bilan shug'ullanuvchi muassasalarda ishlash;
• rus tili va adabiyotini o'qitishning zamonaviy metodikasi, didaktik vositalari va texnologiyalarini ishlab chiqish hamda amaliyotga joriy etish;
• rus tilshunosligi va adabiyotshunosligi sohasidagi murakkab ilmiy va amaliy masalalarni hal etishga qaratilgan kasbiy faoliyatni amalga oshirish.

70110801 – Ona tili va adabiyoti: rus tili magistratura mutaxassisligini tamomlagan bitiruvchilar O'zbekiston Respublikasi Oliy ta'lim, fan va innovatsiyalar vazirligi tomonidan belgilanadigan tartibda tayanch doktorantura (PhD) va doktorantura (DSc) bosqichlarida ilmiy faoliyatlarini davom ettirishlari mumkin.