O'zbek tili va adabiyoti (rus tili va adabiyoti)

O‘zbek tili va adabiyoti ta’lim yo‘nalishi — o‘zbek tilining nazariy asoslari, adabiy merosi va zamonaviy tilshunoslik yo‘nalishlarini chuqur o‘rganishga qaratilgan mutaxassislarni tayyorlaydigan yo‘nalishdir.

Ushbu yo‘nalishda talabalar o‘zbek tili grammatikasi, tilshunoslik, adabiyot nazariyasi, o‘zbek va jahon adabiyoti tarixi, nutq madaniyati, matnshunoslik hamda zamonaviy pedagogik texnologiyalarni o‘rganadilar. Ta’lim jarayonida talabalarning og‘zaki va yozma nutq madaniyati, tahliliy fikrlash hamda ilmiy-tadqiqot olib borish ko‘nikmalari rivojlantiriladi.

Bitiruvchilar umumta’lim maktablari, akademik litseylar, kasb-hunar ta’limi muassasalari, oliy ta’lim tashkilotlari, nashriyotlar, ommaviy axborot vositalari hamda turli davlat va nodavlat tashkilotlarida o‘z mutaxassisligi bo‘yicha faoliyat yuritishlari mumkin. Mazkur yo‘nalish milliy til va adabiy merosimizni asrash, rivojlantirish hamda kelajak avlodga yetkazishga xizmat qiladigan malakali kadrlarni tayyorlaydi