Tibbiy profilaktika ishi

Tibbiy profilaktika ishi ta’lim dasturi aholi salomatligini muhofaza qilish, kasalliklarning oldini olish va sanitariya-epidemiologik osoyishtalikni ta’minlash sohasida malakali mutaxassislarni tayyorlashga yo‘naltirilgan. Dastur doirasida talabalar epidemiologiya, gigiyena, mikrobiologiya, sanitariya, jamoat salomatligi, yuqumli kasalliklar profilaktikasi, atrof-muhit va mehnat salomatligi kabi yo‘nalishlarda nazariy bilim va amaliy ko‘nikmalarni egallaydilar. Ta’lim jarayonida kasalliklarning xavf omillarini aniqlash, epidemiologik vaziyatni baholash, profilaktik va sanitariya-gigiyenik tadbirlarni tashkil etish ko‘nikmalari shakllantiriladi. Bitiruvchilar sanitariya-epidemiologiya va jamoat salomatligi muassasalari, sog‘liqni saqlash tashkilotlari hamda profilaktik tibbiyot bilan bog‘liq boshqa muassasalarda faoliyat olib borishlari mumkin.