Menejment

Menejment bakalavriat ta’lim yo‘nalishi tashkilotlarni boshqarish, strategik rejalashtirish, biznes jarayonlarini tashkil etish, qarorlar qabul qilish va korxona faoliyatini samarali muvofiqlashtirish masalalarini o‘rganishga yo‘naltirilgan. Dastur davomida talabalar menejment nazariyasi, marketing, iqtisodiyot, loyiha boshqaruvi, biznes tahlili va tadbirkorlik asoslari bo‘yicha bilim va ko‘nikmalarni egallaydilar.

Mazkur ta’lim yo‘nalishi bitiruvchilari davlat va xususiy korxonalar, biznes tuzilmalari, moliya institutlari, xizmat ko‘rsatish sohasi hamda konsalting tashkilotlarida faoliyat yuritishlari mumkin. Dastur samarali boshqaruv qarorlarini qabul qila oladigan, jamoa faoliyatini tashkil etadigan va biznes rivojlanishini ta’minlay oladigan mutaxassislarni tayyorlashga qaratilgan.