Adabiyotshunoslik: arab adabiyoti

Mazkur magistratura mutaxassisligi arab xalqlari adabiy merosini, mumtoz va zamonaviy adabiy jarayonlarni ilmiy asosda o‘rganishga ixtisoslashgan. Talabalar arab adabiyotining taraqqiyot bosqichlari, badiiy tafakkur evolyutsiyasi, adabiy tanqid va qiyosiy adabiyotshunoslik metodlarini chuqur o‘zlashtiradilar. Dastur davomida ilmiy maqolalar tayyorlash, qo‘lyozmalarni tahlil qilish, adabiy manbalarni tadqiq etish va zamonaviy ilmiy metodlardan foydalanish ko‘nikmalari shakllantiriladi. Bitiruvchilar oliy ta'lim muassasalari, ilmiy-tadqiqot institutlari, tarjima markazlari, nashriyotlar hamda xalqaro ilmiy va madaniy loyihalarda muvaffaqiyatli faoliyat yuritishlari mumkin.