Iqtisodiyot

«Sanoat iqtisodiyoti va menejmenti» kafedrasi maqsadi

Oliy ta’lim dasturlarida belgilangan vazifalar doirasida yuqori malakali kadrlar tayyorlash, professor-oʻqituvchilarning tadqiqot va ilmiy izlanishlari izchilligini ta’minlagan holda oliy ta’limning raqobatbardoshlilik tamoyillariga asosan faoliyat olib borishdir.

Bizning vazifamiz

Oliy taʻlim tizimini strategik rivojlantirish jarayoni jadal amalga oshirilayotgan bir paytda kafedra professor-oʻqituvchilarining faoliyat samaradorligini oshirish maqsadida belgilangan vazifalar quyidagilardan iborat:

• oliy taʻlim faoliyati (bakalavriat, ikkinchi mutaxassislik, magistratura, oliy taʻlimdan keyindi taʻlim)ni kengaytirish orqali oliy taʻlim xizmatlarining sifatini oshirish;

• tegishli tarmoqlar va sohalar boʻyicha ishlab chiqarish korxonalari va tashkilotlari bilan uzviy bogʻliqlikni taʻminlash orqali ilmiy tadqiqot va loyihalarni amalga oshirishda hamkorlik ishlarini rivojlantirish;

• oliy taʻlim jarayonida professor-oʻqituvchilarning uzluksiz izlanishlari hamda pedagogik malakalarini rivojlantirish mutanosibligini taʻlim texnologiyalari orqali takomillashtirib borish;

•  talabalarning taʻlim texnologiyalari orqali fanlarni oʻzlashtirish qamrovini kengaytirish;

• oliy ta’lim sifatini takomillashtirish maqsadida kafedra professor-oʻqituvchilarining fundamental tadqiqot ishlarini sanoat ishlab chiqarish korxonalarida amaliy sinovdan o’tkazishni yo’lga qo’yish;

• mamlakat iqtisodiyotini raqamlashtirish hamda strategik rivojlantirish sharoitida iqtisodiyot tarmoqlari va sohalarida talab yuqori boʻlgan malakali va raqobatbardosh kadrlarni yetkazib berish.