Axborot xizmati va jamoatchilik bilan aloqalar

Axborot xizmati va jamoatchilik bilan aloqalar bakalavriat ta’lim yo‘nalishi davlat organlari, korxonalar, tashkilotlar va ommaviy axborot vositalarida axborot siyosatini samarali yuritish, jamoatchilik bilan aloqalarni rivojlantirish hamda tashkilotning ijobiy imijini shakllantirishga qodir malakali mutaxassislarni tayyorlashga yo‘naltirilgan. Ta’lim jarayonida ommaviy kommunikatsiya, media va PR, axborot xizmati faoliyati, raqamli kommunikatsiyalar, kontent yaratish, matbuot kotibligi, media monitoring, krizis kommunikatsiyasi, marketing kommunikatsiyalari hamda jamoatchilik bilan aloqalar strategiyasini ishlab chiqish fanlari o‘qitiladi. Talabalar axborot materiallarini tayyorlash, matbuot anjumanlari va ommaviy tadbirlarni tashkil etish, ommaviy axborot vositalari bilan samarali hamkorlik qilish, ijtimoiy tarmoqlarni professional boshqarish hamda tashkilotning kommunikatsiya siyosatini yuritish bo‘yicha amaliy ko‘nikmalarga ega bo‘ladilar. Bitiruvchilar davlat va nodavlat tashkilotlari, vazirlik va idoralar, xalqaro tashkilotlar, korporativ kompaniyalar, ommaviy axborot vositalari, PR-agentliklar va axborot xizmatlarida faoliyat yuritishlari mumkin.