Davolash ishi

Davolash ishi ta'lim yo‘nalishi – sog‘liqni saqlash va tibbiyot sohasiga oid yo‘nalish bo‘lib, sog‘liqni saqlash tizimi muassasalarida aholiga birlamchi, shoshilinch va ixtisoslashtirilgan tibbiy yordam ko‘rsatish, ichki kasalliklar, jarrohlik, pediatriya, akusherlik va ginekologiya, yuqumli kasalliklar hamda boshqa klinik yo‘nalishlar bo‘yicha bemorlarni zamonaviy diagnostika, davolash va reabilitatsiya usullaridan foydalangan holda tashxislash va davolash, kasalliklarning oldini olish, profilaktik tadbirlarni tashkil etish, dispanser kuzatuvini olib borish, tibbiy-ijtimoiy xizmatlar sifatini oshirish bo‘yicha kompleks masalalarni hal etish, shuningdek, O‘zbekiston Respublikasi Fanlar akademiyasi, ilmiy-tadqiqot institutlari, ilmiy-ishlab chiqarish birlashmalarida ilmiy-tadqiqot faoliyatini amalga oshirish hamda davlat va nodavlat tibbiyot muassasalarida kasbiy faoliyat yuritish bilan bog‘liq vazifalar majmuasini qamrab oladi.