Moliya va moliyaviy texnologiyalar

Fan maqsadi (FM)

Talabalarga jahon miqyosida to‘plangan va bir tizimga keltirilgan iqtisodiy bilimlarning nazariy asoslarini, iqtisodiyotning asosiy tushunchalari, kategoriyalari, qonunlarini, tamoyillarini, ularning amal qilish xususiyatlari va mexanizmlarini hamda ularni amalda tatbiq etish ko‘nikmasini hosil qilishdan iborat.

Fan vazifasi (FV)

Talabalarni taraqqiyotning turli bosqichlarida va turli mamlakatlarda tarkib topib shakllangan nazariy bilimlar, iqtisodiy mushohada qilish usullari bilan tanishtirish; iqtisodiy hodisa va jarayonlar mazmunini mantiqiy mushohada qilish uchun zarur bo‘lgan uslubiy yondashuvlarni egallashiga ko‘maklashish; ular ongiga iqtisodiy taraqqiyotda erishilgan yutuqlar asosida milliy mafkuraning asosiy qoidalarini singdirish; iqtisodiyotni modernizatsiyalash, erkinlashtirish va islohotlarni chuqurlashtirish asosida hozirgi zamon rivojlangan bozor iqtisodiyotini shakllantirishning dolzarb muammolarini ochib berish; iqtisodiyot va iqtisodiy munosabatlar to‘g‘risida milliy ko‘nikmalarni hosil qilish vazifalarini bajaradi.

Ta’lim natijalari (TN)

Bilimlar jihatidan:

ijtimoiy-iqtisodiy taraqqiyotning umumiy asoslari, bosqichlari, o‘zgarish sabablari va oqibatlari; hozirgi zamon bozor iqtisodiyotining xususiyatlari; iqtisodiy qonunlar va kategoriyalar to‘g‘risida tasavvurga ega bo‘lishi;

talaba iqtisodiy hodisa va jarayonlarni tahlil qilish usullarini bilgan holda samarali qo‘llashi; iqtisodiy qonunlarni, ilmiy tushunchalarning (kategoriyalarning) amal qilish xususiyatlarini, mexanizmlarini bilgan holda iqtisodiy muammolar bo‘yicha yechimlar qabul qilish ko‘nikmalariga ega bo‘lishi;

iqtisodiyot nazariyasi asoslarini; milliy iqtisodiyotning amal qilishi va rivojlanishi qonuniyatlarini; makroiqtisodiy darajadagi vaziyatlarni; iqtisodiy jarayonlarning amal qilish xususiyatlarini bilishi va ulardan foydalana olishi malakalariga ega bo‘lishi kerak…

Ko‘nikmalar jihatidan:

Rivojlanib borayotgan iqtisodiy tizimlar hamda ularning sabablari hamda natijalari tug‘risida umumiy tushunchalarga ega bo‘lish

Zamonaviy iqtisodiyot hamda ular ortidan keladigan natijalarga nisbatan o‘zining mustaqil fikr va qarashlariga ega bo‘lishi

Iqtisodiy tizimlar shuningdek iqtisodiy tarmoqlar bo‘yicha yakunda professional kadrlar bo‘lib yetishish