Suv ta’minoti muhandislik tizimlari

60812900 – “Suv ta’minoti muhandislik tizimlari” ta’lim yo‘nalishi – fan, ishlab chiqarish va xizmat ko‘rsatish sohasidagi yo‘nalish bo‘lib, suv xo‘jaligi, turli suv bilan ta’minlanganlik sharoitlarida aholi yashash joylari va ishlab chiqarish punktlarini talab darajasidagi suv bilan ta’minlovchi injenerlik tizimlari, inshootlari va tadbirlarini loyihalash, qurish va ekspluatatsiya qilish, suv sifatini yaxshilash va ishlab chiqarish samaradorligini oshirish, suv va boshqa resurslardan unumli foydalanish bilan bog‘liq kompleks masalalar majmuasini qamrab oladi.
Yuqoridan kelib chiqib:
Suv ta’minoti inshootlari qurilishini amalga oshirish, tizimlar ekspluatatsiyasi va ularni avtomatlashtirish, suv ta’minoti va kanalizatsiya sohasida ilmiy – texnik  rivojlanish, suv ta’minoti  holatini yaxshilash maqsadida mavjud vodoprovodlarini o‘rganish, sifatli ichimlik suvini tayyorlashning usullarini ishlab chiqish, suv ta’minoti va oqova suv sarfini hisoblash, yer usti va yer osti manbalaridan suv olish va tozalash inshootlari hisobini bajarish, oqova suvlarni tozalash va suvga maxsus ishlov berish inshootlarini to‘g‘ri tanlash va ularning hisobi, loyihalash jarayonlarini tahlil qilish, sintezlash va optimallashtirish kabi kasbiy faoliyat turlari bilan shug‘ullanadi.