Statistika (tarmoqlar va sohalar bo‘yicha)

Statistika (tarmoqlar va sohalar bo‘yicha) bakalavriat ta’lim yo‘nalishi iqtisodiy, ijtimoiy va ishlab chiqarish jarayonlarini statistik usullar asosida o‘rganish, ma’lumotlarni yig‘ish, qayta ishlash, tahlil qilish va prognozlashga yo‘naltirilgan. Dastur davomida talabalar statistika nazariyasi, ehtimollar nazariyasi, ekonometrika, ma’lumotlar tahlili, raqamli texnologiyalar va statistik dasturlardan foydalanish bo‘yicha nazariy hamda amaliy bilimlarni egallaydilar.

Mazkur ta’lim yo‘nalishi bitiruvchilari statistika organlari, davlat boshqaruvi tashkilotlari, banklar, moliya institutlari, sug‘urta kompaniyalari, ilmiy-tadqiqot markazlari, ishlab chiqarish korxonalari va xalqaro tashkilotlarda faoliyat yuritishlari mumkin. Dastur katta hajmdagi ma’lumotlarni tahlil qila oladigan, asoslangan prognozlar tuzadigan va boshqaruv qarorlarini qabul qilishda statistik yondashuvlardan samarali foydalana oladigan malakali mutaxassislarni tayyorlashga qaratilgan.