Madaniyatshunoslik

Madaniyatshunoslik bakalavriat ta'lim yo'nalishi milliy va jahon madaniyati taraqqiyoti, madaniy meros, zamonaviy madaniy jarayonlar hamda madaniyatlararo muloqotni ilmiy asosda o'rganadigan yuqori malakali mutaxassislarni tayyorlashga yo'naltirilgan. Ta'lim jarayonida madaniyat nazariyasi va tarixi, madaniy merosni muhofaza qilish, san'at va sivilizatsiyalar tarixi, madaniy siyosat, etnomadaniyat, muzeyshunoslik, madaniyat menejmenti hamda madaniy loyihalarni boshqarish fanlari o'qitiladi. Talabalar madaniy jarayonlarni tahlil qilish, madaniy tadbirlarni tashkil etish, madaniy meros obyektlarini asrash va targ'ib qilish hamda madaniyat sohasida innovatsion loyihalarni ishlab chiqish ko'nikmalarini egallaydilar. Bitiruvchilar davlat va nodavlat madaniyat muassasalari, muzeylar, kutubxonalar, madaniyat markazlari, turizm tashkilotlari, ilmiy-tadqiqot institutlari va xalqaro madaniy tashkilotlarda faoliyat yuritishlari mumkin.