Qishloq xo‘jaligini mexanizatsiyalashtirish (tarmoqlar bo‘yicha)

70810101 – Qishloq xo‘jaligini mexanizatsiyalashtirish (tarmoqlar bo‘yicha) magistratura mutaxassisligi qishloq xo‘jaligi ishlab chiqarish jarayonlarini zamonaviy texnika va innovatsion texnologiyalar asosida mexanizatsiyalashtirish, texnik vositalardan samarali foydalanish, ularga texnik xizmat ko‘rsatish hamda ishlab chiqarish samaradorligini oshirishga qodir yuqori malakali mutaxassislarni tayyorlashga yo‘naltirilgan. Bitiruvchilar qishloq xo‘jaligi korxonalari, agrosanoat majmui tashkilotlari, ilmiy-tadqiqot institutlari, loyiha tashkilotlari va oliy ta’lim muassasalarida muhandislik, ilmiy va pedagogik faoliyat olib borishlari mumkin.