Buxgalteriya hisobi

70410101-Buxgalteriya hisobi (tarmoqlar va sohalar bo’yicha) magistratura mutaxassisligi – iqtisodiyot sohasidagi taʼlim yoʼnalishi boʼlib, u oʼz ichiga davlat budjeti tashkilotlarida buxgalter, auditor, aktsidorlik jamiyatlarida moliya boʼlimlarida, turli mulkchilik shaklidagi korxonalar buxgalteriya boʼlimlari va ichki audit boʼlimlarida, auditor hamda auditorlik tashkilotlarida, autsorsing tashkilotlarida, sugʼurta, soliq hamda bank tashkilotlari bilan bogʼliq kompleks masalalar majmuasini qamrab oladi. 
Yuqorida keltirilgan kasbiy faoliyat sohalari boʼyicha xoʼjalik yurituvchi subʼektlarda biznes jarayonlari va ularni hisobga olish, taʼminot, ishlab chiqarish va sotish jarayonlarini tashkil qilish va hisobini yuritish, mahsulot tannarxini aniqlash, pul mablagʼlari hisobini yuritish hamda moliyaviy natijalarni aniqlash va ularni tahlil qilish, xoʼjalik yurituvchi subʼektlari moliyaviy faoliyatini rivojlantirish yoʼnalishlarini ishlab chiqishga doir obʼektlarda moliyaviy faoliyat samaradorligini aniqlash va baholash, umumiy oʼrta va oʼrta maxsus, kasb-hunar taʼlimi tizimi, ixtisoslashgan texnikumlar, moliya-bank sohasiga xizmat koʼrsatuvchi tashkilotlar, muassasalarda moliyaviy-iqtisodiy, hisob, tahlil va nazorat, tashkiliy-boshqaruv faoliyati, ilmiy-tadqiqot, pedagogika kabi kasbiy faoliyati turlari bilan shugʼullanadi.