Buxgalteriya hisobi

Buxgalteriya hisobi magistratura mutaxassisligi moliyaviy hisob, boshqaruv hisobi, audit, soliq hisobi, moliyaviy hisobotlarni tayyorlash va tahlil qilish, xalqaro hisob standartlari hamda korxonalarda hisob-kitob jarayonlarini tashkil etish masalalarini chuqur o‘rganishga yo‘naltirilgan. Dastur davomida magistrantlar buxgalteriya axborotlarini shakllantirish, moliyaviy ko‘rsatkichlarni tahlil qilish, hisobotlarni yuritish, nazorat va audit jarayonlarini tashkil etish hamda ilmiy-tadqiqot olib borish ko‘nikmalarini egallaydilar.

Mazkur mutaxassislik bitiruvchilari korxona va tashkilotlarning buxgalteriya bo‘limlari, moliya va audit tashkilotlari, banklar, soliq organlari, davlat va xususiy sektor muassasalari, oliy ta’lim muassasalari hamda ilmiy-tadqiqot tashkilotlarida faoliyat yuritishlari mumkin. Dastur buxgalteriya hisobi va moliyaviy tahlil sohasida chuqur bilimga ega, zamonaviy hisob tizimlaridan foydalana oladigan yuqori malakali mutaxassislarni tayyorlashga qaratilgan.