Jahon iqtisodiyoti va xalqaro iqtisodiy munosabatlar

Jahon iqtisodiyoti va xalqaro iqtisodiy munosabatlar (Bakalavriat)

Alfraganus Universitetining Jahon iqtisodiyoti va xalqaro iqtisodiy munosabatlar dasturi talabalarga xalqaro savdo, global iqtisodiyot, investitsiyalar, xalqaro moliya va iqtisodiy integratsiya yo‘nalishlari bo‘yicha chuqur nazariy bilim hamda amaliy ko‘nikmalar beradi. Dastur xalqaro kompaniyalar, davlat tashkilotlari, moliya institutlari va xalqaro tashkilotlarda faoliyat yurita oladigan malakali mutaxassislarni tayyorlashga qaratilgan.

Davomiyligi: 4 yil (8 semestr)
Kreditlar: 240 ECTS
Daraja: Jahon iqtisodiyoti va xalqaro iqtisodiy munosabatlar bakalavri
Ta’lim shakli: Kunduzgi

Asosiy fanlar: Mikroiqtisodiyot, Makroiqtisodiyot, Xalqaro iqtisodiyot, Xalqaro savdo, Xalqaro moliya, Jahon moliya bozorlari, Xalqaro marketing, Investitsiyalar, Xalqaro biznes, Logistika, Iqtisodiy diplomatiya, Ekonometrika va Xalqaro iqtisodiy tashkilotlar.

Malakaviy amaliyot dasturning muhim qismi hisoblanadi. Talabalar vazirlik va idoralar, banklar, eksport-import kompaniyalari, logistika korxonalari, xalqaro tashkilotlar, xorijiy kompaniyalar hamda boshqa hamkor muassasalarda amaliyot o‘tash orqali kasbiy tajriba orttiradilar.

Bitiruvchilar xalqaro iqtisodchi, eksport-import menejeri, xalqaro biznes mutaxassisi, investitsiya tahlilchisi, logistika mutaxassisi, iqtisodiy maslahatchi hamda davlat va xususiy tashkilotlarda xalqaro iqtisodiy faoliyat bo‘yicha mutaxassis sifatida faoliyat yuritishlari mumkin.

Dastur global iqtisodiy jarayonlarni tahlil qilish, xalqaro biznesni boshqarish, tashqi iqtisodiy aloqalarni rivojlantirish, strategik qarorlar qabul qilish hamda xalqaro mehnat bozori talablariga mos professional kompetensiyalarni shakllantirishga yo‘naltirilgan.

*Xorijiy talabalar uchun kontrakt to‘lovi miqdori 25 000 000 (yigirma besh million) so‘m etib belgilangan.